بوچ ئەم نابین دەوڵەتەک بهێز و خۆدان ئیرادە؟

ئاوارە نێروەی
گەلێ کورد ژ  30 تا 40 ملیۆن کەسە، کورد ل سەرانسەری جیهانێ زمانێ وان هەرێم هەرێم جۆدایە، لێ جهێ داخێیە هێشتا بێ ناسنامەنە و بێ دەولەتن و ئەڤ بێ دەولەتیە بێ ناسنامەی ژی ئەم بخوە ئەگەرین، ڕاستە ئەم ئێک زمانین ئێک ئاخین لێ ئەم ژ ئێک حەز ناکەینو  مە خۆە وەک زۆمبیا لێکری. بۆ نموونە ئەگەر کەسەکێ نە ژ نەتەوا کورد بیت بهێتە کۆشتن ل وەلاتەکێ، کۆ تێدا شەڕ و کوشتار لێ زێدە بن دێ مەراسیما و بۆ دانن. لێ جهێ داخێیە کۆ ئەگەر کوردەک ل وەلاتەکێ  کۆ شەڕ هەی بهێتە کوشتن، هەر چ مەراسیما بۆ نادانن و دێ بێژن فلان و فلانن. ئەگەر ئەم مێژوویێ بخوینین گەلێ کورد ژ وان گەلایە، کۆ خۆدان ئیرادە و هێز لێ ب بەرنامە و پلان ئەڤ گەلە کرینە خۆدان بێ ئیرادە و بێهێز.
 گەلێ کورد ل سەد سالا بیستو ئێکێ ل ناڤا گەلەك رویداناندا دەربازبوینە. و ئەڤ رۆیدانە ل بەرژەوەندا کوردان دا بویە، لێ هندەک ئەگەر و کارەسات لناڤا کورداندا پەیدابوون. لێ ب مخابنی ڤە نە شیان وەلاتەک هێز و ئێکگرتی و خۆدان ئیرادە ئاڤا بکن. نە ئاڤاکرنا کوردستانەک ئێکگرتی ئەم هەمی لێ بەرپرسین، نە بتنێ لایەنک بەلکی هەمی لایەنێن سیاسیێن کوردستانێ لێ بەرپرسن، چۆنکی هیچ تشتەک نەکریە کۆ بەرژەوەندیا گەلێ کورد ل هەرچار پارچێن کوردستانێ تێدا. ئەڤ لایەنێن سیاسیێن کوردستانێ نە رەخنێ نە ئێکدوو قەبیل کرنێ نە ژی کارێن باش دکەن یێت ماینە دویڤ هندەک تشتێن کۆ نە مروڤای قەبیل دکەت نە ژی ویژدان.