ئارامیا وەلاتی د مونیکایێن جام رەش دا

سوھەیب ھرۆری
تێبینی کەس رەخنێ نەگریت، من بەحسێ ئارامییا (پەرەخێ و هرورێ و نێروە رێکان) نینە. ل هەر قەیرانەکێ و هەر گازندەکا ئەڤ مللەتە دکەت، دێ هندەک مەخلوقات هێن و بێژن (مە ئارامیا هەی، ما دێ چ ل پارەی کەین؟). راستە ئارامی ئێک ژ روکنێن سەرەکییە بۆ ژیانێ د هەر مەسکەنەکی دا، بەلێ کو تە گرنگترین پێویستی یێن ژیانا رۆژانە نەبن یان ژی د گران بن وەکو (کارەب، موچە، پانزین، جادە....هتد).
هینگێ ئەو ئارامی بتنێ دێ بیتە تزبییەک د دەستێ موستەفیدادا و ل دیوانا و ل سەر شاشەیا سلاواتا پێ دەنە سەر روحا مەلاقیێ.
جار ژی دێ بینین ل کومبونەکێ یان ل جڤاتەکا عەشایری، بەرپرسەکێ حزبی یان ئاغایەک دێ بەحس ل ئارامیێ کەت و خەلک د بێژنێ ئەز بەنی سەری وەیە و ئارامی هەبیت بەسە، بێ کو چاڤێن خوە ڤەکەت و مونیکایا سەیدای یا جام رەش و حیمایا وی یا خودان کلاشنیکوف ببينيت.