تو دەستپێکێ کوردی یان موسلمان!

5 مانگ پێش ئێستا

رزگار حەمید شەریف
ئەڤە چەند رۆژەکە ڕێزدارەک کو خوە ب مامۆستایێ ئاینی ددەینت، ب چەند پەیڤان سوسیال میدیا کوردستانێ ب خوە مژیل کریە. وی جامێری گۆتیە  مەککە ژ کوردستانێ پیرۆزترە.
ل دەستپێکێ بێژم کو هەر دوو پیرۆزن. مەککە پیرۆزە بۆ هەر کەسەکێ خوە موسلمان دەینت و زێدەهیا کوردان موسلمانن و مەککەیێ پیرۆز دبینن، ژ بەر جهێ خوە یێ تایبەت هەیە ناڤ ئاینێ مە یێ ئیسلامێ. باوەر ناکەم کەسەک ژ کوردێ موسلمان مەککەیێ پیرۆزتر ببینت و بەلگە ژیک بۆ ڤێ ئێکێ ئەوە، کو تەقریبەن چ مالەک کورد نینە حەجیەک یان عومرەکەرەک تێدا نەبیت. کوردستان ژیک بۆ هەمی هاولاتیێن خوە پیرۆزە و ئەگەر پیرۆز نەبیا مە ب هزاران شەهید گوری ڤێ ئاخێ نەدکرن.
مامۆستایێن ئاینیێن کورد، هەردەم هەلگرێ پەیاما ئاشتی و براتیێ بینە و نەڤێن دوو بەرەکی و فتنە بکەڤیت ناڤ جڤاکیدا. دارشتنا ڤی جامێرێ کو خوە ب مامۆستایێ ئائینی دەینت، بیە ئەگەرێ فیتنە و دوو بەرەکیێ و توندکرنا شەرێ بەرەیێ دینی و نەتەوی و ئەڤە ژیک دژی پەیاما  پیرۆزا قورئانێ یە.
ژ بۆ کوردێ موسلمان هەم مەککە پیرۆزە و هەم کوردستان و مە پێدڤی ب چ شەرا نینە سەرا ڤێ گۆتنێ و تو دلێ خوە دا کێ پیرۆزتر بینی، تو ئازادی خوشک و برایێ ڕێزدار.