بۆچی کورد ژ (سیڤەرێ) زڤرینە ڤە (سفرێ)؟!
10 مانگ پێش ئێستا
فەرھاد عەلی حەمید
ئەڤرۆکە (١٠٢)مین سالڤەگەرا ئیمزاکرن و ڕاگەهاندنا پەیمانا
سیڤەرە بوو و بەری چەند ڕۆژەکا (٩٩)مین سال ڕۆژا رێکەفتناما پەیمانا لوزان ژی بوو.
پەیمانا لوزان بۆ ئەگەرا نەمان و شکەستنا پەیمانا سیڤەر کۆ ل (١٩٢٠.٨.١٠) هات بۆ ئیمزاکرن
و پاشی ل سالا (١٩٢٣) دناڤبەرا حکومەتا تورکیا ب سەرۆکاتیا (مستەفا کەمال ئاتاتورکی)
و ھەڤپەیمانیا (بریتانیا و فرەنسا) و ب ڕێکەفتنا (٨) وەلاتان هاتە ئیمزاکرن. دوی دەمی
دا ب ڕێکەڤتن ویلایەتا (موصل) ژ تورکیا ھاتە ڤەقەتاندن.
ژ بەرکو ل وی سەردەمی
کوردان نەشیان ببنە خودان ھێزەکا تایبەت و یەکگرتی، نەشیان مافی ژ پەیمانا سیڤەر وەربگرن.
دیاربو ل وی سەردەمی ژی وەکو نوکە کورد پرت و بەلاڤ بۆن و ڕێک ب مرۆڤێن باش نە هاتەدان
ببنە خودان پێگەهـ وەکی نوکە و بونە چایچی و خولامێن ئاغا. لەوما ئەڤ نەخشە بێی کو
خواستا گەلێ کورد لسەر بیت ھاتەدانان و کورد کرنە چوار پارچە. ئەڤە سەد سالە گەلێ
کورد یێ ب شوڕەشێن خالی ڤە ھاتیە ھاویشکرن، ئەڤ شورەشێن کوردا ل چوار ڕەخێن خوە کرین
بتنێ کورد زەرەرمەندن و ھەرچار ڕەخێن وان مفا ژ شورەشێن وان وەرگرتی نە. مخابن نوکە
کورد یێ سەردەمەکێ زۆرھەستیار و چارەنڤێساس دادژیت، لێ هەر ژ خەوا گرن ھشیار نابن
و ھندەک ژی یێت بوینە داردەستێن دۆژمنێن خوە، ھەکە کورد ژ خەو ڕانەبن و ئێگرتی نەبن.
ئەوا ئەم چاڤەرێ دکەین دێ ڕویدەت، ژبەرکو یا ڕۆن و
ئاشکرایە کا تورکیا چ دکەت و چ دڤێت، تورکیا یا بزاڤا بۆ دەستڤەئینانا ویلایەتا
(موصل) دکەت، کەواتە باشورێ کوردستانێ و ڕۆژئاڤایێ کوردستانێ ب سانەھی دێ کەڤنە بن
پەرێ تورکیا، ھەکە ئەم دئێکگرتی نەبین، ئەوا مایی ژی دێ ژ دەستێن مە دەرکەڤیت و دێ
ژ سفرێ دێ زفرینە ڤە بۆ سفرێ.