ئەنفالا بەھدینان؟!!!!

سیامەند ھاریكی
بڕیارێن چارەنووسساز، دەمێ بێی هەستکرن ب بەرپرسیاری دهێنەدان، بتنێ  ل داویێ کارەساتان بخوەڕا دئینن، ئەگەر بەس (پێنج ڕۆژان، واتە ٢٥/ ٨ - ١٩٨٨/٨/٣١)ێ ل ئەوێ دەڤەرا ئەڤە پتری چار هەیڤانە، دڕندەترین دۆژمن ب پێشکەفتیترین چەکی، دناڤدا چەکێن قەدەغەکریژی کو ب چڕی بکاردئینیت و هێشتا ژی نەگەهشتیە مەرەما خوە، بەرخۆدانا  بەردەوامە، (ئەگەر پێشمەرگە بگشتی و بهەڤڕا ب هەمئاهەنگی، بەرەیەکێ تۆکمە، ل چیایێ مەتینا هنداڤ (بامەڕنێ) هەتا هنداڤ (کەلەکا شنیێ) ل چیایێ شرینی، بەس وان (پێنج ڕۆژان) لبەرخۆدابا و خوەڕاگرتبا، ب کێمترین زیان و ب کێمترین قۆربانیان، دا هەموو خەلکێ خوە ژ وێ کارەساتێ ڕزگارکەین و دا ئیرۆ ب ئەنیا کەڤەر و سەرەکێ بلند ل پێشیا گەلێ خوە، کەسوکارێن وان خوە بینین).
بەلێ مخابن، ئەو بیرۆباوەر، ئەو هەستا نەتەوی، دلسۆزی و بەرپرسیاریا نیشتیمانیا دیرۆکی، بتایبەتی ل جەم وێ هێزا خوە دەسەڵاتدار و پەوانکار ل وێ دەڤەرێ دادنا، نەددیتن و ئەوێ ڕۆژێ نەبوون، ژبەرهندێ گەلژی باوەریا خوە وونداکر، ئەو باوەریا هەیژی ب پێشمەرگەی نەما، بتایبەتی دەمێ کۆلتورێ ڕەڤێ خوەسەپاندی، گەل یەکجار خوە بێ خۆدان دیت، خوە هاڤێتە د دناڤ دۆژەهێ دا؟!.
ژبەرهندێ بێ لۆمەیە، ئەگەر دەمێ ئیرۆژی ئەڤێ بیرەوەریێ دگێڕن: "ئەنفالچی ل ڕێزا پێشیێ سینگێن خوە دەربێخن و بخۆڕن، ئەنفالکری و کەسوکارێن وانژی لبەر لنگێن وان و د ڕێزێن دویماهیێ دا هێشتا پەریشان و ستۆخار خوە ببینن؟!.
ئەوان ڕۆژان ژبیرنەکەن؟!.، بلا گۆڕێن هەموو وان جانگۆریان مشت گۆل و گۆلزاربن، سەرێ ماڵبات و کەسوکارێن وان ساخبن.
ـ وەك خوە ژ فەیسبۆكا سیامەند ھاریكی.