بچویککرن د رۆژەکێ دا!

دلدار محەمەد
 بیرهاتنێن نەتەوەیی و وان چامێن  دۆژمنی ب سەرێ گەلێ کورد ئیناین، ئەگەر رێز بکەین نە دویرە مە گەلێ کورد پشکا شێری هەبیت ژ ببەرکەفتنا کارەسات و کومکوژیان ژوان مللەتێن ژلایێ سەردەستان ڤە بوینە قوربانی، ب هەڤبەرکرن دگەل گەلێن دیتر یێن بن دەست ل دەڤەرێ و جیهانێ
بەلێ دگەل هندێ دا وەک پێدڤی جیهانێ ئاگەهی لسەر ئێش و ژانێن مە نینن، رەنگە ئەڤە یا سەیر نەبیت چۆنکی هەما دبنە رەتدا ئەگەر جیهانێ ڤیابا چاڤێن خۆ ل ئێشانێن مللەتێ مەڤەکەت هەر ژ دەستپێکێ ڤان کارەساتان بڤی قەبارەی و بڤێ بەرفرەهیێ هەر روونەددا.
بەلێ یا سەیرتر ئەڤەیە کو بیردانکا مە ژی جهێ ڤان بیرهاتنێن جەرگبر دناڤ بەرتەنگیا خۆ دا نەکریە، گەلەک جاران دهێته گۆتن بەرەبابێ پشتی سەرهلدانێ یێ دوورە ژ ئاگەهێن دیرۆکا دور و نێزیکا مللەتێ خۆ بگرە هندەک ژ وان هەستا وان بۆ ئاخا وان هند لاوازبویە ماندەلیێ ل هەبوونا خۆ دکەن وەک مللەت ، ئەڤ راستی یە ئەگەر جهێ ترسێ بیت راستیەکا دیتر ژی هەیە ئەو ژی ئێک ژ ئەگەرێن ڤێ لاوازییا  ئاگەهێ بیرئینانە د رۆژەکا دەستنیشانکری بتنێ دا! رێورەسم ل هەمی جیهانێ د هەلکەفتەکێ دا دهێنە ساخکرن ئەڤە یا ئاسایی یە، بەلێ خەلکێ دیتر دهەمی رۆژێن سالێ دا بیرەوەرێن خۆ و ئێشانێن خۆ و سەروەریێن دیرۆکا خۆ دکەنە د مێشکێ گەنجێ خۆ دا، ل هەمی رۆژان دیکیومێنتان دروست دکەن و جهێ ڤان بیرەوەریان ل ناڤ پرۆگڕامێ خواندنێ دا دکەن، مانە جهێ پرسیارێ یە   پشتی سیهـ و چارسالان ژ کارەساتەکا  وەکی  ئەنفالێ یا مەزن ژبلی باراندنا روندکان و هەلکێشانا ئاخینکان مە چ رێکێن دی ڤەنەدیتی نە بۆ بیرئینانێ مخابن دەم هەر یێ د بۆریت و هندی مە ب سۆزێ کارکری مە هند پیتە نەدایە بیردانکێ، لەوما ڤالاتیا دناڤبەرا مە و خونیاسینێ دا رۆژبورۆژێ یا مەزن دبیت.