خو کێمکرنا زەلامێن ئایینی خراب و مەترسی یە

سۆزدار رەشید نەرموو
‎د هەموو ئایینان دا، زەلامێ ئایینی پیشەنگ و نمونا مروڤێن چاك و خودێناس و ب بەلاڤکەرێن چاکیێ و ئیمانێ و دینداریێ دهێنە لقەلەمدان و براستی ژی مروڤێ کارێ وی ئیمانداری بیت، دڤێت بهەموو پیڤەران مروڤەکێ باش بیت. هەر چەندە دڤان سەردەما دا هندەك کەس یێن هەین بتنێ ب جل و بەرگان ئیماندارن و لژێر پەردەیا ئیمانداریێ، گەلەك بێ ئیمانیا ئەنجامددەن کو بابەتێ مە ئەو کەس نینن یا کو ئیرو من بڤێت ئاماژێ پێ بکەم، هندەك رەفتارێن نە ژ هەژی ناڤ و ناسناڤێن مروڤێ ئایینی نە کو ئەو کەس لسەر چ دیانەتەکی بت، جارەکێ دێ بەحسا هونەرمەندەکی کەن و تەشهیرێ بناڤێ وی یان وێ کەن پشتی دکەڤیتە سەر زارێ خەلکێ و راستی هێرشێن توند دبیت، دێ هەموو هەولا دەت خودانێ گازندێ لێ خوش ببیت، چنکو ئەو دزانیت چ برێکا یاسایێ بیت چ برێکا عەشایری و کومەلایەتی بیت، خسارەتێ ئێکێ و دوماهیێ هەر ئەوە لەورا ژ ناسناڤێ خو کێم دکەت و داخوازا لێبورینێ ل هەموو جڤات و بهەموو ئالاڤێن راگەهاندنێ ژی دکەت، ئەڤە بخو کێماسیە بۆ وی ماموستایێ ئایینی کو خو بینیتە ئاستەکی نە ژ هەژی ناسناڤێ وی بیت.
‎هەر بڤی ئاوایێ مە ئاماژە پێ کری، هندەك کەس بەحسا هندەك ئایینێن دیتر دکەن و سڤکاتیێ ب بیروباوەرێن وان دکەن کو ئەڤ چەندە دهەموو ئایینان دا تشتەکێ رەوا نینە، ژ بەر هندێ ژی هەر دەما راستی ئێریشێن نەرازیبونێ بون و سکالا لسەر هاتنە تومارکرن، دێ هەولا ئاشتەوایێ کەن و داخوازا لێبورینێ کەن و ئەگەر کەسەك نەبوو بەرامبەر رەفتارا وان راوەستیت، خەتەرەکا مەزنە لسەر ئاشتی و پێکڤە ژیانا کومەلایەتی د وەلاتی دا، چنکو مللەت بچاڤەکێ مەزن بەرێ خو ددەنە وان کەسا یێن ژیانا خو بۆ خودێ پەرێسیێ تەرخان کری، لەورا گوهداریا شیرەتێن وان یێن باش دکەن و ئەگەر هات و ئەڤ خو کێمکرنە بەردەوام بوو دێ بیتە دیاردە پاشی راوەستاندنا وێ دێ بزەحمەتتر کەڤین، پێتڤی یە حکومەت بجدی لسەر ڤان بابەتا براوەستیت.