ئێزدی و ئێزدیاتی بەرەڤ مەترسیەكا هەرە مەزن ل كوردستانێ و عێراقێ

4 مانگ پێش ئێستا

‎پیر هڤال باعەدری
‎بێ گۆمان قۆناغا نها، قۆناغا پێشكەفتنێ و تەكنەلوجایێ و عەولەمێ و پەرەپێدانێ یە و گۆرانكاریێن ریشەیی یە، دناڤ هەمی تەخ و چینێن جودا جودا یێن چڤاكی دا، دناڤ هەمی مللەتان دا ل سەرانسەری جیهانێ. ئەگەر بەرێخۆ بدینێ ئەم وەك مللەتێ ئێزدی د دیرۆكا ئێزدیان دا هەر ژ دەستپێكێ و هەتا نوكە بەردەوام پاشكەفتن و تەپەسەری و مال وێرانكرن و تالانكرن و دەربەدەركرن و كوشتن و ژناڤبرنا هەمی پیرۆزیێن ئاینی و ئۆلی و جڤاكی و كەلتۆری و تێكدانا داب و نەریتێن باب و كالا، ئەوێن بەری هەزارەها سالا پاراستین و سەرێ خۆ ل رێیا ئێزدی و ئێزدیاتیێ و ئێزدیدخانێ داین، پێخەمەت ئەڤ ئاینێ پیرۆز یێ خودایێ مەزن خولقكری و ئافراندی و دروستكری بمینیت، وەك سرۆشتێ خۆ یێ دەستپێكێ. لێ مخابن ئەگەر ئەم بەرێ خۆ بدەینە لاپەرێن مێژوویا هەرە كەڤن و دێرین و ئەوان لاپەرا ڤەكەین و بەرێ خۆ بدینێ، دێ هەمان روودان و پێشهات هێنە بەرچاڤ، وەكی باب و كالێن مە ئاماژە پێداین، ب ئەوێ زۆلم و زۆرداریێ و نە هامەتیێ، ئەوا د هەمان دەمدا هەست و سۆز و پەیمان و بیروباوەر و بەخت و وژدان و عاقلێن مرۆڤان و مروڤەتیێ و چوو پیرۆزی یێن دونیایێ دا ژی قەبۆل ناكەت، ب مخابنی ڤە گەهێشتیە ئاستێ بێ هێزیێ و بێ رێزیێ و بێ وەفاداریێ.
 ئەڤ یەكە د ئاینێ مە یێ ئێزدیاتییێ دا، چەند روودان یێن گرنگ رووداینە و چەند جاران پێلێن گۆرانكاریێ ژی رووداینە و ئەو ژی ئەگەر بۆ نموونە وەربگرین و بەحسێ قۆناغا بەری هاتنا شێخادی و قۆناغا پشتی هاتنا شێخادی و د ئەڤان قۆناغان دا ئێزدی و ئێزدیاتییێ دەنگڤەدان و كارڤەدان، روودان و پێشهات و كارتێكرنێن ئەرێنی و نەرێنی لدیڤ خۆ هێلان و هەروەسا تووشی كارەساتەكێ ژی بوو، ژ ئەنجامێن ئەڤێ یەكێ ل وی سەردەمی دا ئەو ژی شەرێ گێرانا دەستهەلاتێ، ئانكو شەرێ ئادانیا و شەمسانیا، كو ل لالشا نورانی ئەڤ شەرە روودا و بۆ زانین شەرەكی خۆیناوی بوو د دیرۆكا ئێزدیان دا. ب مخابنی ڤە ژبەركو هەتا نوكە پاشماوەیێن ئەڤێ كارەساتێ ماینە دناڤ روح و جەسەدێ هندەك مرۆڤان دا و چینا قتانیێ دەستهەلات گرتە دەست و شێخادی ل وی سەردەمی گۆرانكاری د بەشەك ژ رێ و رەسمێن پیرۆز یێن ئاینی و ئۆلی و جڤاكی دا كرن.
ل ڤێدەرێ دا و هەتا نوكە گەلەك روودان پێ روودانێ و قۆناغ پێ قۆناغێ و  بارودۆخ پێ بارودۆخان ئێزدی و ئێزدیاتیی د مەترسیێ و قێراناندا دژیا و هەتا نوكە ئەڤ یەكە بەردەوامە، ژبەركو هندەك كەس هەنە چاڤ و دل و دەروون و بەخت و وژدانێ ئەوان قەبۆل ناكەت ئێزدی ب تفاق و ئێكگرتی بن، بەس هەوڵ ددەن تێكدان و ئالۆزی و نا تەبایێ پەیدا دكەن و دناڤ جڤاكێ مە یێ ئێزدیان دا، بەلێ ب پشتەڤانیا ئێزدیناس و خودێناسا، دلسۆزیێن رێیا ئێزدیاتییێ و ئەو كەسێن بەردەوام سەرێ خۆ ل رێیا سلتان ئێزی و طاووسی مەلك یێ ناڤ شرین ددەن، بۆ هندێ كو ئەڤ مللەتە ب سەر بلندی و سەرفەرازی بژیت.
 لەورا د ئەڤان چەند رۆژێن بوریدا هەوڵ و بزاڤێن رژد دهێنە هاڤێتن، بۆ  ئەنجامدانا گۆرانكارییان دناڤ ئێزدیان دا، ئەگەر بەرێ خۆ بدینێ دێ بینین ل دەستپێكێ بەحسێ گۆرانكاریێن جڤاكی نە و پاشان دێ ئەوان گۆرانكاریا بەرەڤ ئالیێ سیاسی و بن ئەگەر ئەو بەرنامە و پلانێن هاتینە دارێژتن، بجهی بهێت.
 محتەمەلە د قۆناغا نها دا گۆرانكاریێن ئاینی و ئۆلی ژی بهێنەكرن، لدیڤ حەز و ڤیانا لایەنێ سیاسی ژبۆ پاراستنا بەرژەوەندیا ئەوان ژبەر هندێ ئەو كەسێن قێرانا ئەخلاقی و وژدانی و شەرەف و كەرامەتێ هەی د ئەڤی چارچوڤی دا، كار و چالاكیێن سەر سەخت ئەنجام داینە و دوماهیكێ ب كوردی و ب كورتی، ئەو درۆشمێ دهێنە بلند كرن و لێدوانێن بریقەدار دەربارەی تفاق و ئێكگرتوویا ئێزدیان دكەن، بتنێ تهنییا بەرژەوەندیێن خۆ دشكێنن و سەر ناگرێت و بەس ئەڤ یەكە بەلكۆ گەنجێن ئێزدیان هەوڵا  ئاراستەكرنا ئەوان گۆرانكاریان وا هەی، د قۆناغە نها دا و كار لسەر دهێتە كرن.