زارۆکینی و بەهەشتا سەر دونیایێ

17/09/2022

ئاشتی زیاد
نمونەک ژ سەدان نمونێن خوشیا زارۆکینیێ ئەوە، دەما دبینی دەواما قوتابخانێ دێ دەست پێکەتن و خێزان زارۆکێن خو بەرەف سیک و بازاڕان ڤە دبەن و پێدڤیاتیێن قوتابخانێ بۆ وان دکرن. ئەو زارۆکە ب ئەندازەیا چیایان کەیف خوش دبن، هەستێ خوشیا وان ب چ نڤێسینان ناهێتە دەربڕین، لێ ئەو ب سەناهی و ب جوانترین شێوە دەردبرن، ئەو ب دێمەکێ گرنژین و گوتنێن کەنیڤە بەحسا دەواما قوتابخانێ و وان کەل و پەلێن ژ بازاری کرین بۆ دەردورێن خو دکەن.
 دەما د سپێدەیەکا زویدا ئەو بەرەف قوتابخانێ ڤە دچن، هەر وەک کەیف و خوشیا هەستپێکرنا جهنشینێن پاشایان بۆ تاجا پاشایەتیێ ئەو هەست ب کەیف و خوشیێ دکەن و خو ئامادە دکەن و ب دلەکێ خوش و هیڤیێن گەش و مەزن ڤە بەرەف قوتابخانێ دچن.
لڤێرە رۆالێ ماموستای دھێت و ئایا دێ پەروەردەكرنێ ل پێش ئێخیت یان ژی فێركرنێ، كو گەلەك جاران دێ ڤێ زارۆكی بینی ئەو گەشبینیا ل دەستپێكا سالا خواندنێ لدەف ھەی، ئێدی پیچ پیچە یا لدەف دمریت و ئەگەر دیڤچوونەكێ ژی بۆ بكەی، ژبەركو ماموستا نەشیایە دگەل ڤی قوتابی یێ بەردەوام بیت و وی بخواندنێ ڤە گرێدەت. مەزنترێن كێشا كومەلگەھێ مە ئەوە ئەم نەشییاینە ڤێ پەیوەندیێ دروست بكەین و دڤێت ماموستای گەلەك ئاگەھـ ژڤێ خالێ ھەبیت.