ژ شاکارە نڤیسینێن نڤیسەرێ بەرازیلی (پاوڵۆ کویلەر)ی

17/09/2022

وە: هشیار رێکانی
بابێ دڤیا رۆژنامێ بخوینیت.. لێ کورێ وی یێ زاڕۆک تەنگاڤکر و ژێڤە نەدبوو، دەما باب پێڤە وەستیای.. رابۆ ب بڕینا پەڕەکی ژ رۆژنامێ، نەخشێ جیهانێ ل سەر بوو، ئینا پرت پرتکر و کرە پارچێن بچویک.. و  دانە دەستێ کورێ خۆ و داخواز ژێکر، بێخیتە بەرێک و نەخشێ جیهانێ ژێ چێکەتەڤە..
 و دەست ب خواندنا رۆژناما خۆ کرەڤە.. وەسا هزرکر کورێ وی دێ گەلەک پێڤە مینیت.. لێ  پازدە خۆلەک دەرباز نەبوون، نەخشێ جیهانێ بۆ بابێ خۆ وەکی بەرێ زڤڕاندەڤە، ئینا باب ب مەندەهۆشی لێ پرسی: کورێ من ئەرێ دەیکا تە تو  هۆسا فێرکریە جوگرافیایێ؟ کوری بەرسڤدا و گۆتێ: نە بابۆ نە، بەلێ  ژ رەخێ دیێ پەڕی وێنێ مرۆڤەکی ل سەربوو، دەما من وێنەیێ مرۆڤی لێکدای، نەخشێ جیهانێ ژی هاتە لێکدان.
ئەڤە دەربڕینەکا دەملدەست بوو.. لێ گەلەکا جوان بوو و رامانەکا کویر و دویر تێدابوو.
ئانکۆ (دەما مرۆڤ دهێتە ئاڤاکرن جیهان دوبارە ئاڤا دبیتەڤە) یا گرنگتر ئاڤاکرنا مرۆڤی یە..