دوو رویاتی و درەو ...

17/09/2022

رەمەزان سلێڤانەی
دوو پەیڤن زور نێزیکی ئێکن، گەلەک جاران پێکڤە دهێنە و گرێدان هەروەسا پێکڤە کارلێكێ دکەن ژبۆ دەرئەنجامەکێ نە دروست، کەسێ دوو روی گەلەک جارا بۆ گەهشتنا ئارمانجا خو درەوان دکەت داکو بگەهیتە وی قوناغا وی دڤێت یان ئەو مەرەما ئەو بۆ چووی. پسیار ئەڤەیە ئەڤ جورێ مروڤان پشتی دیاردبیت ئەڤە رولێ ویە دجڤاکی دا چەند باوەری ل دەف دمینیت یان چەند دبیتە باوەرپێکەر، پشتی ئاشکرا دبیت کو رادبیت بڤێ رەفتارێ ب تایبەت ئەڤ کەسێ هوسا خو ب ئێکێ شارەزا دانیت شارەزا لدەمێ بڤی کاری رادبیت و گەلەک جهان شانازیێ دبەت کو شیایە رولەکێ هوسا رابیت، بەلێ ئەڤ جورێ مروڤان چ وەفایەک هەیە بۆ هەڤال و دوستێن خۆ و ئەم هەمی دزانن ژیان بۆ کەسێ دووم ناکەت و هەر ئێک ژمە ئەندامەکە دڤی جڤاکی دا....
کارتێکرنا ڤێ چەندێ سەر هەڤالەکێ چەندە، و دەمێ هەڤالەکێ ژ دەست دەت لگور وان کریارا و هەستێ هەڤالێ وی چیە بەرامبەر وی کەسی، و ئەم دزانن ئەڤ جورێ رەفتارا دبیتە جهێ بریندارکرنا هەستی و ئەڤ جورێ برینا چ جاران ساخ نابیت، نەک ئەڤرو و نەک چ روژێن دی...
ئایا ئەو ئارمانجا ئەو کەسە دگەهیتێ بەردکەڤیت هەستێ هەڤالێ خو بریندار بکەت یان هەڤالێ خو ژدەست بدەت، و ئایا دێ هەستێ وی چ بیت ئەو ل جهێ هەڤالێ خو بیت بۆ هندێ هەر مرۆڤەک دهەر بوارەکێدا دڤێ ژیانێدا پیدڤیە باش بزانیت ئەڤ دونیایە دوم ناکەت نە بوو زانایان نە بوو زالمان، نە بوو درەوینا و نە بوو دوو روویان و ل وی دەمی دا پەشیمانی قەت فایدەناکەت، یا گەلەک فەرە ئەو فەرموودا پێغەمبەری (سلاڤ لێ بن) دەمێ دبێژیت: ((حاسبوا انفسكم قبل أن تحاسبوا))، چونکی رامانا ڤێ دڤێت روژانە هەر مروڤەک دەمژمێرەک هەبیت پێداچوونێ دگەل خو بکەت، داکو چ جارا باوەریا خەلکەکێ دی ژدەست نەدەت و دا هەردەم رێکا راست و دروست هەلبژێڕیت و خودان هەلویستەکێ جامێرانە بیت، و داکو باوەرپێکەر بیت دهەمی جهان و بوراندا و ببیتە جهێ باوەریێ بۆ دوژمنی بەری هەڤالان، لگور دیتنا من ژدەست دانا باوەریێ مەزنترین خوسارەتی یە چونکی کەرامەتا کەسی پیروزیا خو هەیە دبیتە جهێ سەرفەرازیێ و سەربلندیێ و شانازیێ بۆ وی یێ باوەریێ ژدەست نەدەت، کەسێ سەربلند جهێ رێزو حورمەتێ یە و لدەمێ حازر دبیت دبیتە جهێ باوەریەکا بێ سنور....
خێزان و ئەندامێن خێزانێ، جڤاک و جڤاکناس هەمی لسەر ڤی چەندێ ئێک بوچوونن، بۆ نموومە ئەڤرو جڤاکێ مە چەند پاشکەفتیە ئەگەرێ درەو و دوو روویاتیێ و جڤاکێن روژئاڤا چەند پێشکەفتیە ئەگەر راستی و راستگویێ.