ئەڤە چ کەفتییە ناڤ مێشکێ کورداندا!

17/09/2022

سەگڤان ئەرتیسی
ل روژئاڤایێ کوردستانێ کورەک کچەکێ د رەڤینیت و پاشی بابێ کچێ هار و دین دبیت، هندی دەردوورێن وی تێنێ نەشێن راگرن و دگوت نامیسا من چوو و دڤێت ئەز هەردووکان بکوژم. پشتی دەردوور بێ هیڤی بین چوون هەوارا خوە برنە دەف جەگەرخوینێ کورد و سحبەتا بابێ کچێ بۆ دکەن، پاشی جەگەر خوین دچیتە دەف وی و دبێژیتێ خێرە چ چێبی یە؟ دبێژیتێ دڤێت ئەز وان هەردووکا بکوژم. خێرە دێ بۆ کوژی؟ دبێژیتێ ڤانا نامیس بۆ من نەهێلا، پاشی جەگەر خوین دبێژیتێ، ژ راست تە دڤێت نامیسا خوە پاقژبکەی؟ د بێژیتێ بەلێ، دەستێ وی دگریت و دبەتە ژ دەرڤە و توپ و تانکێن جێشا داگیرکەرا سووری نیشا وی د دەت و دبێژیتێ دێ کەرەمکە نامیسا خوە پاقژ بکە.
مخابن ئەڤرو کچ و کورێن کورد هو ب ئەرزانی بهێن بن ئاخکرن و ئەم مللەت بگشتی ب مینین بێ دەنگ!!
جانێ تە شادە و هێڤنێ ئازادیێ یە (خویشکا ژینا).
نەفرەت ل مخەدەرکەرێن ناڤخوەی بن