پشتی شاهـ ژنێ و گوهرین ل بەڕیتانیا

7 رۆژ پێش ئێستا

غەریب كەمال
ل روژا 8ی ئەیلولا سالا 2022ێ، کوشکا بالینگهام، مرنا شاهـ ژن (ئێلیزابێثا دوویێ) راگەهاند، ب ڤی رەنگی کورێ وێ یێ مەزن  ب ناڤێ (چاڕلزێ سێ یێ) دێ بیتە پاشایێ وەڵاتی. ئەرێ دا پرسیار بکەین پشتی چونا وێ دێ چ گوڕانکاری ب سەر بەڕیتانیا و ئەوڕوپا و هەمی جیهانێ دا هێن؟ (ئێلیزابێث) ژبلی کو شاهـ ژنا بەڕیتانیا بوو، دهەمان دەم دا شاهـ ژنا 15 وەڵاتا بۆ و ژوانا (کەنەدا نیوزلەندا جامایکا ئوسترالیا گینیا ......).
بەلێ هاتنا کوڕێ وێ بۆ سەر تەختێ پاشایەتی یێ. دڤێت پارێ وی وەڵاتی هەمی بهێتە گوهورین و مورا وەڵاتی بهێتە گوهورین ل شینا وێنە و ناڤێ شاهـ ژنێ دێ ناڤێ کوڕێ وێ لسەر هێتە دانان، هەروەسا رەگەزناما بەڕیتانیا ب تەمامی دێ هێتە گوهورین و دێ ناڤێ شاهـ ژن بیتە پاشا.
یا ژهەمی یێ گرنگتر، درووشمێ فەرمی یێ وەڵاتی دێ هێتە گوهورین God save the queen و دێ بیتە God save the king
هەتا ئەو کولاڤێ ل سەرێ پولیسا، ناڤێ شاهـ ژن لسەر بوو، دێ هێتە لادان و ناڤێ کورێ وێ دێ دانن، گوڕانکاری یێت نێڤ دەولەتی، مە لسەری ئاماژە پێ کر (ئێلیزابێث) شاهـ ژنا 15 وەڵاتا بوو.
یا چاڤەڕێکریە هندەک ژوان وەڵاتا داخازا سەربەخویی یێ بکەن و دبیت ب کێماتی شەش ژوان وەڵاتا داخازا جودابونێ بکەن، ئێک ژوان جامایکایە ئەڤە ماوەیەکێ درێژبوو وان دڤیا جودابن، لێ ژبەرکو ئەوان هزر دکر بێ رێزیە بەرامبەر شاهـ ژنێ هەتا نوکە داخاز نەکربوو، بەلێ پشتی شاهـ ژن نەمایی ئەو نوکە دشێن داخازا جودابونێ بکەن، ئەگەر هاتوو هەر ئێک ژوان وەڵاتا داخازا جودابونێ ژ بەڕیتانیا کر وی دەمی چاڕلزی چ دەستهەڵات ددەستادا نابیت.