ئایفون وەک نموونە

6 رۆژ پێش ئێستا

بەیار ئەحمەد
تا ڤی دەمێ نھا ل ھەرسێ پارێزگەھێن ھەرێمێ، ژلایێ پتر ژ سێ ھزار و دووسەد کەسان مۆبایلا ژ جۆرێ ئایفون یا ھاتیە کرین ب فیئێن جودا جودا، کۆ بھایێ ھەر ئایفونەکێ د سەر ھزارو نەھـ سەد دۆلارا ھاتیە فروتن، ددەمەکی دا بھایێ ئێک ئایفون ل کۆمپانیا خۆ کێمترە ژ دۆازدە وەرەقێن دۆلاری.
 بڤی تێکرایێ نێزیکی بھایێ شەش ملیۆن دۆلاران ئایفون ل ھەرێمێ ھاتیە فرۆتن ئۆ ژلایێ خەلکەکی ڤە ھاتیە کرین> ھەتا وی رادەی کۆ خەلکەک ھەبویە کەل و پەلێ دمالێن خۆدا کۆ ژین و ژیارا وی ل سەر بۆ بۆ ژین و ژیارا خۆ بکاردئینا یێ فروتی پێ خەمەت دا ئایفونەکا پێ بکریت یان ھەتا کەس ھەبۆینە یاخۆ دەیندارو قەردارێ qەند کەسان کری دا ئایفونەکێ بکریت>
 ل ڤێرێ پرسیار ئەوە ئەرێ شەیدابوونا ھندا مەزن ب دویف ئایفونێ کێ ڤە ئەگەر چنە؟ بۆچی دڤێ ھەژاری و بەلنگازیا ئەڤرۆ ئەم تێدا دژین یێ ئامادەیە ئەڤێ چەندێ بکەت؟ بۆچی خەلک یێ بەرھەڤە سەرچاڤێ ژین و ژیارا خۆ بفروشیت ھەتا کۆ ئایفونەکێ بکریت ، دحقیقەت دا ئەکەر ئەوە دڤی سەردەمێ نھادا بکاربەر وەکی وی سەردەمی نینە کۆ سەرکردێ بازاری بیت ژبەر ھندێ کۆ بکاربەری پارێ ھەی ئەو بخۆ ئاکەھیان ددەتە ھەمی بەرھەمھێنەران کۆ ل دویڤ داخازیا بکاربەری کەل و پەلێن خۆ بەرھەم بینیت.
 بەلێ نھا ئەڤ چەندە ب تەمامی بەروڤاژی وێ چەندێ یە، دنھادا کەمپینەکا میدیایی یامەزن ب رێکا دانە کاری یا چەندین وسائیل و کەنالان بۆ ریکلامکرنێ بڤێ رێکێ یێن شیاین دەست بدانە سەر عەقلێ و مەژیێ بکاربەری. عەقلێ بکاربەری ب رەنگەکێ بکاردئینن ب رەنگەکێ ئاراستە دکەن بۆ ھەمی وان تشتان کۆ ئەوان دڤێت، ئێک ژۆان ژی ئایفونە. ئایفون یا کریە مارکینکەکا گەلەک مەزن و رەمزێ جوداھیا جینایەتی رەمزێ ھێزێ و پێگەھ و دەولەمەندی و شکۆمەندی بۆ وان کەسێن ئایفونێ دکرن و بکاردئینن ل ژێر کارتێکرنا ئەڤان جۆرە ریکلاما.
 رێژەکا ھەرە مەزن دبەرھەڤن بھایەکێ زێدەتر ژ چەند سەد دۆلاران ژ بھایێ کۆمپانیێ بدەنە ب ئایفونێ، د بەرھەڤن بکرن و سرایێ بۆ بکرن د ماوێ چەند روژەکێن کێم دا زێدەتر ژ سێ ھزار دوو سەد کەسان ئایفونێ بکرن. ئەڤەیە راستیا مارکتینکێ یە  و راستییا بکارئینانا وێ ماکینا ئێعلامێ یە، کۆ کارتێکرنەکا ھەرە مەزن ل سەر بکاربەری دکەت تایبەت روژھەلاتا ناڤین و جیھانا سیێ بگشتی ژلایێ دەولەتێن خودان بەرھەمێن پیشەسازی ب ھەمی جۆرو رەنکێن خۆڤە.