(چاڤپێکەفتنێن كاری) و یاریکرن ب ھەستێ مرۆڤی

6 رۆژ پێش ئێستا

چرا رەمەزان
وەکی نھا ئەم دبینین و دزانین، کو دامەزراندن ل کەرتێ گشتی نینە. دەرچوێین زانینگەھا ژی نەڤێت ماندیبوونا وان و خاندنا وان و ئەو زانیاریێن چەند ساڵا کوم کرین، ب فیرۆ بچیت و کەسێن بەرامبەر ژیک مفایێ لێ ببینن و قەستا کەرتێن تایبەت دکەن، داکۆ بکارن دەلیڤا کاری بدەستڤەبینیت و ھەر جھەک دگەل بەڵاڤکرنا دەلیڤا کاری چەند مەرجێن جودا ھەنە بۆ کارکرنێ.
 لێ وەکی ئەم دبینین ھندەک جھ ھەنە ئەڤ مەرجە گەلەک زۆرترە، ئانکو گرانترە ژ کارێ وان. لڤێرێ پرسیار دکەین ئەرێ ئەڤ مەرجە ھەمی خەلکەکێ دگریت یانژیک بەس بۆ بێ واستایە؟ بوچی لڤێرێ ھەمی تشت بۆیە واستە؟ بۆچی وەلێ دکەن کو کەسێ بەرامبەر شیان ھەنە لێ دەلیڤێ نادەنێ کاربکەت؟ بوچی وە ل ڤان دەرچویان دکەن، کۆ ھیڤی و ئارمانجێن خو ژدەست بدەن، ئەڤە و چەند پرسیارێن دی وەل مە دکەت کۆ ئەم داخازا مافێ خوە بکەین. چونکی نھا ل ھندەک جھان چاڤپێکەفتن بویە یاریکرن ب ھەستێن وان و تێکدانا دەرونێ وان یان دبێژین جەنگێ دەرونی تنێ بۆ ھندێ چاڤپێکەفتنێ دگەل وان دکەن، بۆ ریکلامێ یە حەتا بێژن مە دەلیڤا کاری ھەیە. بۆ نمونە، کەسەک دچیتە چاڤپێکەفتنێ کەسەکێ خودان شیانە و چالاکە باوەری بخوە ھەیە ھەمی پرسیارا بەرسڤا خوە ددەت، لێ ل دوماھیێ قبیل ناکەن. ئەڤ کەسە بێ ھیڤی دبیت و ھوسا ھزر دکەت کو کەسەکێ بێ شیانە و شیانێن چ کارەکێ نینە.
جورەکێ دی یا چاڤپێکەفتنێ ئەوە کو ل سەر جانی و روخسارێ مرۆڤی دچن، نەک شیانێن وێ. جۆرەکێ دی یا چاڤپێکەفتنێ ئەوە کو ب شێوەیەکێ رەق و کرێت دگەل ڤی کەسی دئاخڤن، ئەڤ کەسە زۆر بێ ھیڤی دبیت و جەنگێ دەرونی دگەل ھێتەکرن و بێ ھیڤی دبیت و تورە دبیت ھندە جار دگەھتە ڤی رادەی بریار ددەت کۆ جارەکادی نەچیتە چ چاڤپێکەفتنێن کاری و ھزر دکەت یاری ب ھەستێن وێ دکەن، ھەمی ھیڤی و ئارمانجێن خوە ژ دەست ددەت و ھزر دکەت کۆ ئەو کەسەکێ بێ شیانە ژبەر ھندێ ناھێتە وەرگرتن.
ڤان نزیکان من چەند دانۆستاندن دگەل برادەران کرن، کەسەکێ ژوان بەحس دکر و گۆت من چاڤپێکەفتنا کاری ھەبوو، ئەز ژیک ب دلەکێ خوش و ب ھەمی ھیڤیێن خو چوم حەتاکۆ گیرو نەبم، دەمژمێرەک بەری چاڤپێکەفتنێ حازر بۆم ل جھێ مەبەست، نیڤ دەم بورین گوت: ھوین گەلەکن ھەرکسەك و دێ ژمارەکێ دەینێ، حەتا کەس بەری کەسێ نەچیتە ژۆر و مافێ کەسێ نەھێتە خوارن. من گۆت: ئەز ژمارە ئێکم، چونکی بەری ھەمییان ئەز ئامادەبۆم، لێ ژمارە ٣ دانەمن و مافێ من خوارن، چونکی ئەوێن ژمارامن بر ئانژیک مافێ من خوارن واستە ھەبۆن و بەری من چونە ژۆر من ھەر ھزر دکرن، ئەرێ ئەڤ جھە بوچونا ژۆرێ واستەیە ل ژۆرڤە چەوایە؟
 پشتی چاڤەرێکرنا زۆر و من چاڤپێکەفتن ئەنجامدا، ل ژۆرێ خولەکەک ئەز گیرو نەبوم و پرسیارەکا زۆر بێ رامان ل من ھاتەکرن، من گوت من پێ زانین نینن ئێکسەر بشێوەکێ زور کرێت گوتە من بدەرکەڤە، زۆر تورە بوم لێ من چ بەرسڤ نەدا و دەرکەفتم ئێدی من بریار دا نەچمە چ جھێن دی بۆ چاڤپێکەفتنێ.
جورەکێ دی ژڤێ یاریکرنا ب ھەستێن کەسی ئەوە، دێ دەمژمێری دیاری کەن لێ خوە گیرۆ دکەن و ئەو دەمێن وانا دیاری کری بۆ خەلکی پێگیریێ پێناکەن و گیرۆ دبن ئەو کەسێن ئامادە بوینە زۆر بۆ وان نەخوشە و ئەڤە ھەمی جەنگێ دەرونیە بو دەرچویان.