ئاگرێ ل بن خۆلیێ

5 رۆژ پێش ئێستا

و: هشیار رێکانی
باوەرناکەی کو ب بێژم:
ژیانا تە شاد و بەختەوەرتر و خۆشترە ژ ژیانا: (ئیمپڕاتۆرێ فارس و قەیسەرێ رۆم و  فیرعەونێ مسڕی...).
بەلێ؛ ئەڤە راستییە و گومان تێدا نینە..
هزرا خۆ تێدا بکە: پێشکەفتیترین هۆکارێ ڤەگوھاستنێن فیرعەونی پێکهاتبوو ژ عارەبانەیەكێ کو هەسپەکی ڕادکێشا.
بەلێ تە:
٭ ترومبێلەکا تایبەتا خۆ هەیە..
٭ تو دشێی ب تڕێنێ بچیە گەشت و سێرانان..
٭ تو دشێی سواری فڕۆکێ ببی... کو فیرعەونی ئەڤە دخەونێدا ژی نەدیتبوون!

ــ ئیمپڕاتۆرێ فارس:
هەموو کۆچکا وی ب ڕێکا مۆم و پەتیلێن زەیتیێ  رۆناهی دکرن!
بەلێ تە: ماڵا تە یا کریە چراخان  ب رێکا کارەب و گڵۆپان!!

ــ قەیسەرێ رۆم:
هەتا مری ژی ئاڤ ژ دەن و گۆزکا ڤەدخوار..
بەلێ تو:
ئەڤ ئاڤا شرین و پاک ب دەهان جۆرێن پەرداخێن جوان و شویشە و کانزایاندا ڤەدخۆی..
کو ژ دویر، ب پاقژی گەهاندیە ناڤ ماڵا تە!

ــ ئیمپڕاتۆرێ غلیوم (ئەڵمانیا کەڤن) هەموو ئەگەرێن دەمبۆرینێ پێکهاتبوون ژ: (ئاراجوز، بووکێن ژ تەخت و داری دروستکری)
و تەیێ هێژا: تەلەفزیۆنا سمارت و مۆبایل هەنە... کو هەر ناهێنە بەراوردکرن ل گەل ئاراجوزا پاشای.

ــ لویسێ چواردێ:
خوارنلێنەرەک هەبوو کو خوارنا فەڕەنسی ژ دەرڤە بۆ ئامادە دکر و بۆ  دئینا.
بەلێ تە:
ل ناڤ ماڵا خۆدا حەز ل لێنانگەها کیژ وڵاتی هەبیت  ب وی شێوەی دێ چێکەی!
چ خوارن و شرینیەک تە حەز لێ بوو ل بن سیبەرا خانیێ خۆدا دێ چێکەی!

ــ کیژ قەیسەر و پاشا هەیە ل گەرما هاڤینێدا ب بەڕێن نەعامێ باوەشینک نەکربیت و هینک نەکربیت؟!
و تویێ بەرێز:
ل جهێ خۆ پاڵدای ب سپلێت و موبەریدە و پانک و کۆندێشن و.....خۆ هینك دکەی..
تەنها تبلەکا خۆ  ب کاردئینی بۆ هەلکرنا وان ئەو ژی ب رێکا کۆنتڕۆلی..
نە خزمەتکارەك خزمەتا تە بکەت..

باش بزانە:
ئەم پاشاینە... ئیمپڕاتۆرین..
هیچ کەس ژ وان پاشا و  ئیمپڕاتۆران ناگەهنە مە ب شادی و بەختەوەری و ناز و نیعمەتان..
ئەم پاشاینە..
بەلێ تام و چێژێ ژ وان هەموو نیعمەتێن جوان نابینین، کو ئەم دناڤدا نقووم بووین!

ــ ئەوێ ترۆمبێلەک هەیە چاڤێ وی ل ئێکاچاکترە و زێدەترە.. لەوا خۆشیێ لێ وەرناگریت.

ئەوێ خانیەک هەیە بۆ حاڵێ خۆ دکەتەگری، چونکی خانیێ هەڤسی و جیرانێ وی ژ خانیێ وی خۆشتر و مەزنترە! بژلی خانی زەڤی و باخچە و بیستان ژی هەنەو وی نینن!

ل داویێ:
حەسوودی و ڕک و کینداری دێ مە کوژیت و ناهێلیت تام و چێژێ ل وی تشتی وەرگرین کو مە هەیە.. ب وێ داخێ دێ سەرێ خۆ دانین!

ئەگەر مووچێ تە، دو هند زێدە ببیت..
دێ بێژی دڤێت مووچێ فڵانی چەند هندی من زێدە کربیت..
ئەڤ حەسوودیا تە ناهێلیت تام وچێژ ل ژیان و مووچێ خۆ وەربگری و ژیانا خۆ ب خۆشی ببەیە سەری!
نڤیسینا: دکتۆر موستەفا مەحمود