بۆچی هوون (ره‌سه‌نیا مه‌ ئێزدیان) ناده‌نه‌ مه؟!!

3 مانگ پێش ئێستا

دلگەش نەواف باعەدری
ئاینێ ئێزدی ب ئاینه‌كێ ره‌سه‌ن یێ هه‌رێما كوردستانێ و عێراقێ دهێته‌ دانان، زۆربه‌یا ئێزدیان ل سنورێ پارێزگه‌ها دهۆكێ و پارێزگه‌ها نه‌ینه‌وا ئاكنجی نه‌. ب درێژاهیا مێژوویێ ملله‌تێ به‌شداری د شۆره‌ش و داستانێن كوردی داكرییه‌ قوربانی ژبۆ ئاخا كوردستانێ داینه‌ و رۆله‌كێ مه‌زن د شه‌رێ "عێراق و ئیرانێ" و "عێراق و كوێتێ" دا هه‌بوو، هه‌تا نه‌ها چه‌ندین ئێزدی یێن دناڤ له‌شكه‌رێ عێراقێ دا ژ ئیرانێ نه‌ زڤرینه‌ و چاره‌نڤیسێ وان یێ دیار نینه‌، ئه‌گه‌ر ئه‌م به‌رێ خۆ بده‌نه‌ پۆستێن ئیداری یێن سنورێ پارێزگه‌ها دهۆك و پارێزگه‌ها نه‌ینه‌وا.
-  سه‌رۆكێ جڤاتا پارێزگه‌ها دهۆكێ موسلمانه‌.
- سه‌رۆكێ جڤاتا پارێزگه‌ها نه‌ینه‌وا موسلمانه.
ـ قائیمه‌قامێ دهۆك موسلمانه.
-  قائیمه‌قامێ قه‌زا شێخان موسلمانه.
- قائیمه‌قامێ قه‌زا سێمێلێ موسلمانه‌.
- قائیمه‌قامێ قه‌زا تلكێفێ مه‌سیحیه.
- قائیمه‌قامێ قه‌زا شنگالێ ئێزدیه‌ ب وه‌كاله‌ته‌.
- رێڤه‌به‌رێ ناحیا باشیكێ شەبه‌كه‌.
 -رێڤه‌به‌رێ ناحیا خانكێ مه‌سیحی یه.‌
-رێڤه‌به‌رێ ناحیا باعه‌درێ موسلمانه.
-رێڤه‌به‌را ناحیا ئه‌لقوش مه‌سیحیه.‌

هه‌موو پۆستێن سه‌ره‌كی ل سنورێ پارێزگه‌ها دهۆك و نه‌ینه‌وا موسلمان و  مه‌سیحی و شه‌به‌كن،‌ ئێك كه‌س ژی ئێزدی نینه! ده‌مێ ده‌ستپكێ به‌رێز عه‌لی ته‌ته‌ر بوویه‌ پارێزگار، دهه‌موو لێدوان و كۆنگره‌یێ رۆژنامه‌ڤانی دا خه‌مخۆریا خوە ژبۆ ئێزدیان دیار دكر، به‌رده‌وامه‌ سه‌ر ئه‌ڤێ چه‌ندێ هه‌تا نه‌ها ژی جه‌نابێ وی سه‌ره‌نجا هه‌موو ئێزدیان راكێشا. هه‌ر وه‌سا ده‌مێ ده‌ستپێكێ به‌رێز مسته‌فا كازمی بوویه‌ سه‌رۆك وه‌زیرێ عێراقێ، ب هاتنا خۆ بۆ ئاواره‌یان و چوونا خۆ بۆ شنگالێ و پێشوازییا ل رزگار بوویێن ده‌ستێ ل داعش كری و كورسیكا خۆدایێ، ئه‌وی زارۆكێ ئێزدی جه‌نابێ وی سه‌ره‌نجا هه‌موو ئێزدییان راكێشا!

ئه‌رێ ئه‌ڤێ چه‌ندێ چ مفا گه‌هانده‌ ملله‌تێ ئێزدیان، ئه‌رێ پارێزگارێ دهۆك ل كۆنگره‌یێن رۆژنامه‌ڤانی دا شوونا هه‌ڤخه‌میا خۆ دیار كربا، ئه‌گه‌ر راگه‌هاندبا كو كه‌سه‌كێ ئێزدی پۆسته‌كێ ئیداری ل پارێزگه‌ها دهۆك وه‌رگرت یان سه‌رۆكێ وه‌زیرێ عێراقێ پێشوازی ل كه‌سه‌كێ ئێزدی كربا، كو پۆسته‌كێ ئیداری ل سنورێ پارێزگه‌ها نه‌ینه‌وا  وه‌رگرتبا، ما دێ  كوردستان و عێراق خراب بووبان.

ئێزدی ب ئه‌ڤێ چه‌ندێ رازی نه‌، كو كه‌سه‌كێ چ ئاین و هزر بیت پۆستێ ئیداری وه‌ربگره‌ ل ده‌ڤه‌رێن وان، لێ دڤێت ئێزدی ژی پۆستێن ب ڤی ره‌نگی ل ده‌ڤه‌رێن دی یێن سنورێ پارێزگه‌ها دهۆك و پارێزگه‌ها نه‌ینه‌وا وه‌ربگرن، لێ ئه‌گه‌ر ئێزدییه‌ك نه‌شێت پۆسته‌كێ وه‌كی سه‌رۆكێ جڤاتێ و قائیمه‌قامێ و رێڤه‌به‌رێن ناحیێ ل هه‌رێما كوردستانێ و عێراقێ وه‌رگرن، ئه‌رێ كا ره‌سه‌نیا مه‌ بۆچی هوون ره‌سه‌نیا مه‌ ناده‌نه‌ مه‌؟!!
دڤێت پارێزگارێ دهۆكێ و نه‌ینه‌وا هه‌له‌ویستێ خۆ بۆ ئێزدییان دیار بكه‌ پێكڤه‌ كار بكه‌ن هه‌ر چ نه‌بیت پۆسته‌كی ژڤان بده‌نه‌ ئێزدیان دا