جارەكا دی سوشیال میدیا!!

3 مانگ پێش ئێستا

رێژین حكمه‌ت
ژبەركو سۆشیال میدیایێ كومەلگەھـ ب ئێكجاری داگیركریە و بخوەڤە مژویل كریە، بوویە ئه‌ڤرۆ بابه‌ته‌كێ ھەرێ گه‌رموگۆره‌، تایبه‌ت ئه‌و پرسیارا گه‌له‌ك دهێته‌كرن، ئه‌رێ دێ تیكتۆك هێته‌گرتن یان نه‌خێر؟! ئه‌رێ‌ گرتنا تیكتۆكی دێ بیته‌ چاره‌سه‌ری بۆ ڤێ جڤاكا داخستی؟! گه‌ر تیكتۆك هاته‌ گرتن دێ تاكێ كورد پێشكه‌ڤیت! زارۆ دێ مۆبایلێ هاڤێژیت، دێ دوباره‌ د زارۆكینیا خوه‌ دا ژیت؟!
ئه‌رێ ل ڤێره‌ پرسیار، مانه‌ یا پێدڤیه‌ ل به‌راهیێ گوهۆرینه‌كێ د خوه‌دا بكه‌ین، پاشی هزر ل گوهۆرینا وان تشتێن ل ده‌وروبه‌رێن خوه‌ بكه‌ین؟. ئه‌ڤه‌ دێ بێژین تیكتۆك هاته‌گرتن، هوون چ ل پوپچی بكه‌ن؟ هوون دزانن باب دبێژیته‌ كورێ خوه‌ تو نه‌هێ بۆپچی ل گه‌ل من بكه‌ی دێ ته‌له‌فۆنێ ژ ته‌ ستینم!
ل دویڤ ڤه‌كۆلینه‌كێ بكارهێنه‌رێن تیكتۆكی ژ ته‌مه‌نێ 10 سالیێ هه‌تا 25 سالیێنه‌، ئه‌و بكارهێنه‌رن، ئانكو ئه‌ون یێن مه‌ ب نفشێ زێرین ناڤكرین! ئه‌ڤ نفشه‌ دێ چ ل پاشه‌رۆژا ملله‌تی كه‌ت؟ ئێك ژ كه‌سێن به‌رنیاسیێن جیهانێ د ڕاگه‌هانده‌كێ دا دبێژیت: جیهانێ هه‌میێ‌ تیكتۆك ژ بۆ باشیێ و وه‌رگرتنا پیزانینان بكارهینان، به‌لێ خه‌لكێ باشۆرێ كوردستانێ بۆ ده‌مبۆراندن و خرابیان بكارهینان.
دایكوباب ئه‌و چ په‌وه‌رده‌یه‌ هه‌وه‌ فێری زارۆیێ خوه‌ كری؟، شه‌ڤ و ڕۆژان ل سه‌ر تیكتۆكی، ب تنێ دا نه‌مینیت ب هه‌وه‌، هوون ئارام بن. هه‌وه‌ ب ناڤێ پێشكه‌ڤتنێ چ ل ڤی نفشێ‌ زێرین كر؟! دێ چ پاشه‌رۆژ ژێ چاڤه‌رێ كه‌ن؟  گه‌نجێ مه‌ شه‌ڤێ هشیار و ب ڕۆژ نڤستییه‌، دبێژن گه‌نج ستوونا ئاڤاكرنا ملله‌تانن، ئه‌رێ دێ گه‌نجێ مه‌ چاوا ملله‌تی ئاڤاكه‌ت؟! جیلێ زێرین دێ ب جیلێ ته‌مبه‌لیێ دهێته‌ نیاسین.
ئه‌ڤ جڤاكا گرتی یا هه‌می پێكۆلان دكه‌ن بگه‌هیته‌ جیهانێ وان گرێكان ڤه‌كه‌ت، به‌لێ نزانیت پتر گرێك ئاسێكرن، كار ب زه‌حمه‌ت ئێخستن، ب ناڤێ پێشكه‌ڤتنێ، نه‌ته‌وه‌یێن ئێكگرتی د ڤه‌كۆلینه‌كێدا دبێژیت: پشتی به‌لاڤبوونا ڤایرۆسێ كۆرۆنایێ، جیهان د وارێ خوادن و ساخله‌می و ژیانێ دا پێنچ سالان بۆ پشتێ ڤه‌گه‌ریایه‌. ئه‌گه‌ر جیهان ب ڤێ پێشكه‌ڤتنا خوه‌ڤه‌ پێنج سالان بۆ پاش ڤه‌گه‌ریا بیت، كوردستان 15سالان ل پاش زڤریه‌ بێ كو ئاگه‌ه ژێ هه‌بیت.