لدوور پیشانگەھا سالانەیا تری و ھنگڤینی

نێچیـرڤـان حـازم
ئێک ژ گرنگترین فاکتەرێن ئاڤاکرنا ژێرخانەیا ئابووری یا کەرتی چاندنێ، بازارکرنا بەرھەمێ خومالی یێن جوتیاران و ئێک ژ رێکێن بازارکرنێ، ڤەکرنا پیشانگەھێن بەرھەمێن خومالیێە، بۆ نیشاندان و پشتەڤانیکرنا جوتیاران ل تەڤایا دەڤەرێن پاریزگەھێ و بەلاڤکرنا رەوشەنبیریا پاراستن و پیروز راگرتنا بەرھەمێ خومالی بۆ زیدەکرنا دەلیڤێن کاری ل کەرتی تایبەت و زێدەکرنا داھـاتێ خەلکێ مە و ئەڤ پیشانگەھ دبنە دەلیڤە بۆ وەبەرھینانێ دکەرتی چاندنێ دا، بۆ وەبەرھێنەرا کو ئێک ژ گرنگترین پێنگاڤێن کابینا نەھـ یا حکومەتا ھـەریـما کوردستـانێ.
 لەورا جھێ دەستخوشیێ یە کو ھەر سالا ریڤەبەریا گشتی یا چاندنێ ل پاریزگەھا دھـوک ڤان جور پیشانگەھا سازدکەت، ژبەرکو زوربەیا بەرھەمێ خومالی زیدترە ژ خواستا خەلکێ مە ب تایبەتی ژی لدەم گەھشتنا بەرھەمی لەورا بۆ دیتنا بازاریک جودا بۆ بەرھەمێ مە ل ناڤەراست و باشوری عيراق لەورا دا باشترە بیتە بۆ سالێن بھیت یان لدەمی گەھەشتنا بەرھەمێ دیترە وەک مریشکا و پتاتە و .... ئەڤ جورە پیشانگەھا یان ڤیستەڤالا ل پاریزگەھـا (نەجەف یان کەربەلا یان بەصرا) يان ب تایبەتی ل بەغدا بھینە ڤەکرن یان ل وەلاتین عەربی مینا سعودیە وەک بنگەھەک سەرەدانکرنا موسلمان بۆ نیشاندانا کوالیتی بەرھەمێ خومالی، ھـەر بۆ زانین زوربەیا بەرھەمین مە ژلایێ کوالیتی ڤە زۆر دباشن، وەک ئەندازیارەک چاندنـێ و ئەرکەک پیشەیێ و بۆ پتر خزمەتکرنا کەرتی چاندنێ و پیشڤەبرنا بازارکرنا بەرھەمێ خومالی یا پیدڤیە پلانێن دوم کورت و دریژە بھینە دارشتن ب شیوەیەک زانستی ژلایێ دام و دەزگەھێن پەیوەندیدار ڤە بۆ دیتنا بازریک جیاوازترو دووبارە دەستخوشی ل ریکخەرین پیشانگەھـ دکەم.
ـ ئەنـدازیـاری/ نیچیـرڤـان حـازم ئـەرتـوشی
ـ سەروکێ سـەنـدیکا ئەندازیاریێن چانـدنێ / تایێ پـاریـزگـەھـا دھـوک