عەسل مرۆڤ بخۆیە!

1 مانگ پێش ئێستا

زھێر كورماركی
نەیا گرنگ و یا سپەهى یە کا خەلک چەوا مرۆڤى دبینن یان د هەلسەگینن؟ یا گرنگ ئەوە کا مرۆڤ چەوا خۆ دبینت و چەند یێ ژخۆ رازییە. یا باش ئەوە مرۆڤ خۆ بنیاسیت داکو خەلکەکى ژى بنیاسیت و ئەو ژى مرۆڤى بنیاسن!
مرۆڤ دکاریت لدوڤ هزرا خۆناسینا خۆ سەردەریێ بکەت، ئەم دبینین دێ شێت کارەکێ جوان و رێک و پێک و باش ئەنجامدەت!
لەوما ئەم ددبێژن عەسل مرۆڤ بخۆیە، ما هەکە مرۆڤ یێ بکێرنەهاتى بیت هندى دایک و باب و کەس و کارو مرۆڤێن مرۆڤى و بیانى ژى پەسنا مرۆڤى بکەن دێ هەرا ژخۆ بیت.
دبێژن کابرایەکى کورەک هەبوو ناڤێ وى کریە  سەرکەفتن، پشتى سەلەکێ کورەکێ دى بوو ناڤێ وى کرە  نەسەرکەفتن! سەرکەفتن و نەسەرکەفتن هەر دووک برایێن ئێکێن دەیبابینە و هەردووک مەزن بوون ئێک چوو کۆلیژێ و ژی دەرچوو بۆ خودان باوەرنامە و بۆ پۆلیس ل باژێرەکى، یێ دى ژى بۆ دزیکەرو کەفتە کۆلان و کەفتە زیندانا تۆ هزر دکەى کیژ ژوان چوو کۆلیژێ و کى ژوان چوو دزیندانێ ڤە.
نەسەرکەفتن ژ کولیژێ دەرکەفتن بۆ پۆلیسەکێ مەزن و پلەدار، هندەکا خەبەرێ برایێ وى سەرکەفتنى گەهاندێ گوتێ یی هاتیە گرتن ژبەر گەلەک دزى یێن کرین و گەلەک زۆردارى ژى یێ ل خەلکى کرین و گەلەکێ شەرکەرە.
گەلەک ژمە هوسا هزر دکەن ئەگەر بابێ مرۆڤى گوتە مرۆڤى تۆ بکێر نائێى یان تۆ یێ بێ شەنسى و تۆ مرۆڤەکێ نەسەرکەفتى یا ژمرۆڤى ڤە خلاس، نەخێر دبیت خەلک هوسا مرۆڤى نەبینن یان مرۆڤ بخۆ ژى هوسا خۆ نابیت! یان ئەگەر بابێ تە پەسنا تەکر و گوتەتە تۆ مرۆڤەکێ سەرکەفتى، یا ژمرۆڤى ڤە خلاس مرۆڤ یێ سەرکەفتى یە نەخێر. دڤان هەردوو حالەتادا عەسل مرۆڤ بخۆیە و دڤێت ئەو باوەرى بخۆ هەبیت و گەهشتبیتە پلا خۆنیاسینێ و پشت بەستنێ یخۆ بکەت!
یا گەلەک گرنگ ئەوە تۆ چەوا خۆ دبینى! نەخەلک یان کەس و کارێن تە تەچەوا دبینن؟