هەتا کەنگی تەلەفون بۆ زارۆكێن مە دێ بیتە پەروەردە؟!!

07/11/2022

ئاریمان ئیسماعیل
تەلەفون ئێک ژ وان ئاميرايە، يا بويە کەسێ دووێ دناڤ خێزانێ دا و ژبەر هەبوونا گرنگيەکا زێدە ل دەڤ ئەندامێن خێزانێ کاريگەريەکا نەرێنی ل دەڤ زارۆکان پەيداکريە.
بيرا من دهێت دەمێ ئەز زارۆک من بۆ خو ياری ب کونترولێ تەلەڤزيونێ دکرن، هەتاکو گەهشتيمە قوناغا ئامادەی شنی بومە خودان تەلەفون. بەلێ ئەگەر ئەم وی دەمی بەراورد بکەين، نوکە زارۆکێت مە ب چ جورێن ياريا رازی نابن و ياريا ناکەن، بتنێ تەلەفون دڤێت.
رۆژانە تو چەند زارۆکان دبينی ژ لايێ دايک و بابان ڤە گرنگی ب وان نەهاتيە دان، ژبەرکو هەر ل ژيێ زاروکينيێ وەرە بابێ تەلەفون بۆ زارۆکی کریيە و دايکێ تەلەفون کریيە دەستی دا، ب رامانا حەژێکرن و گرنگیپێدانێ، نزانن تەلەفون دێ وێ ستوينا دناڤبەرا واندا بريت و ژناڤبەت.
 لڤی باژێری ئێدی وەلێهاتيە نشتەگەريا ستويی بۆ زاروکی دهێتە کرن، ژبلی زێدەبوونا کێمبوونا چاڤان ب گشتی تايبەت ل دەڤ زاروکان، ئەڤە ژبلی هندێ کا چەند کاريگەری لسەر دەرونێ زاروکی پەيدادکەت و وەدکەت ئێدی زارۆک ئالودەببيت لسەر ب کارئينانا ڤان جورە ئاميران..
ژ لايێ زانستی ڤە نابيت کێمتر ژ ١٥ ساليێ موبايل ب چيتە دەستێ زارۆکی دا و ژ ٧ساليێ کێمتر ئايپات. دايک نە شێتە زاروکێ خۆ و داکو زاروکێ خۆ بێدەنگ بکەت، تلەفونێ دکەتە چارەسەری بێی کو ديڤچونێ بکەت کا چارەسەری چيە. چارەسەری ژی ئەوە ياريێن هزری بکەتە دەستێ زارۆکی دا يان پێنووس و بەرپەرەکی و هتد…
ئەرێ بوچی تلەفون بويە کەسێ دووێ دناڤ خێزانێدا و بوچی بويە پەروەردە بۆ زاروکێن مە؟ بەرسڤ بۆ هەوە..