ژن چما دژی نفشێ خویە

10/11/2022

سەرفراز نەقشەبەندی
پڕ جارا ئەڤێ پرسێ خوە ل سەر کانیا هزراندنا من د زڤراند، هەر جار من بن ئاڤدکرو ژ روناهیێ ڤە دشارت. ئاشکرا د بێژم پڕ جارا ژ بۆ پشتگیریا ژنا ئەز ژ رێباز بێلایەنیا خوە یا پەیا بۆیم، کو دۆزا ژیانا منە، نەمازە دەمێ من د دیتی کو ژن یا تێ پێژڤە و جهێ خوە د ناڤ دەستگەهێن گشتی دا دکە، ژ کەڤلێ بەنیاتیی دەردکەڤیت.
ئەرێ قەلەمێ من تم ئەو شیر بۆیە یێ سەرێ کومتێن چەوساندنێ د بڕین، لێ ڤێ جارێ پرس ئەڕنی و نەهێلا شیر ژ کاڤلانی دەرکەڤیت.
جهێ داخێیە، خەباتا ژنێ یا ژ خانا بدەستهێنانا مافا دەرکەفتی و یا د خانا هەڤدوو شکاندنێ و بەرهناگاری شەڕێ نفشێ خو دا پەنگیای، د تەڤ مەودا دا کەڤرا د وەشینن.
دا کو ڤی بابەتی پێتر واقعی باس بکەین، د ڤێ ئەگەرێن دیروکی و قۆناخێن چەوساندنا ژنا یا بڕ توێخ ژ بیر نە کەین، ئەڤ ئەگەرێن بۆینە گڤاش و کەسایەتیا ژنێ تەڤلیهەڤ کری، وەسا ئێدی چەوساندن بۆیە پارچەک ژ گیانێ وێ و ئێدی بێی گڤاش خوە ناس نا کەت.
ژ ڤان ئەگەرا ژن یا کەتی ناڤ ژ بەرچۆنا دەرونی، د ترسەکا ئەزلیدا دژی، ئەڤ ترسە ل سەر تەڤ پێنگاڤێن وێ رەنگ ڤە د دەت و دبیتە بیڤەلەرزەکا دەرونی پێڕا د ژیت.
ژن هەیا ڤێ گاڤێ د ڤێ زڤڕۆکێ دا د ژی، پڕ جارا ژ مافێن خوە د رەڤی و د کەڤی پشتگیریا رەوشتێن جڤاکی و د ژایەتیا هەر ژنەکا خوەدی هێز و توانا د کەت، کو دەرگەهێ ئێکانەیە ژ بۆ قەبولکرنا وێ د جڤاکێ نێر دا.

ژن ڤێ د کە پاش کو بدرێژیا دیروکێ ژ جڤاکی بێ ئۆمێد بۆی و کەتیە د کەڤلێ بێچارەیی دا، لێ تم د ناڤ خودا هەست بهێزەکا نەهێنی د کە ت و نکاریت بئەرینی بکار بینیت، لەوڕا پڕ جارا ژن هێز اخو یا هزری بنەڕینی بکار د ئینیت.
ژ ڤێ رەوشێ چەند پەسەن لوان دیار دبن، یەک ژ وان دژایەتیا نفشێ خو و شکاندنا ژنێن خوەدی هێز و داهینان د هەر وارەکی دا بیت.
بێگومان ئەڤە بەڕڤانی نینە ژوان دیاردێن نەرینی ێن لناڤ ژنا بەڵاڤ، وجهێ لێبورینێ ژی نینە، لێ شڕوڤەکا کنە کو مروڤ گەرەکە بینی زمان و ژنا پێ هشیار کەت دا ڤەگەڕیت سەر هشێن خو و برینا خو یا دیروکی شروڤەکەت و تێبگەهیت کو هەلوێستێ وێ هەلوێستێ مروڤەکێ چەوساوە وبێی های ژ خوە هەبیت رێڤە د بەت.
ژنا ئازاد ئەو نینە یا د کەڤیت د کاردا و هەو، نە ئەوە یا هێش د کەڤلێ بەنیاتیا خوە دا دژی و هەلوێستێ نەڕینی لبن سیبەرا ئازادیێ رێڤە د بە ت، نە ئەوە یا ل سەر مینبەرا تلیلیا ژ بۆ ئازادیێ ڤە د دە ت، نە ئەوە یا ئازادیا خو بمکیاج و مودێل لێڤ ودفن گوهرینا چارە د کە ت، هەر وەسا نە ئەوە یا تم بانگێ ماف و داخواەزا د کەت بێ رێباز کرن.
 ژنا ئازاد، ئەوە یا کو چەکێ وێ هشیاری و ڤیان، دۆر ژ گەندەلیا هزراندنا روحی و رێکێن خار و چیر، وەسا کو ئێدی کەسایەتیا بپەسەنێن نە ژ هەژی نە هێ دوری کرن
ئەرێ ژنا ئازاد گاڤا باسێ گوهڕینێ د کەت دڤێت ژ خوە دەست پێ بکەت، د ڤێ پەسەنێن مروڤێن ئازاد ڤەهەجینیت و بنگەهێن ئازادیێ ڤەخوینیت بکەتە رێباز ژ بۆ هزراندنا خوە بەری داخوازا ئازادیی بکە ت، بزانیت کو ئەلیف بیا ئازادیێ ئەوە کو گفاشێ نە خی سەر ئازادیا کەسێن دی.
د ڤێ ژن بزانیت بانگێ ئازادیێ نە تنێ سلوغانە ونڤیساندنە ئان گوتن، لێ بانگێ ئاڤاکرنا کەسایەتیەک ئازادە.
ل ڤێرێ رامانا من نە تایبەت ژنەکە ئا کەسایەتیەکە،نەخێر.. لێ پاش ڤەگەڕیانا من بۆ وەڵات من دیت کو گرفتا ژنا باهرا پێتر د گەل نفشێ خوەیە ژ نفشێ نێر ئان زەڵاما.
نهە مە رەفەکا ژنا وا هەی کەفتینە کار و دەستگەهێن میریدا و سەدان ژی هەنە، کو ل سەر مافێ ژنا دخەبتن و هند ژی هەنە گەهشتینە پلێن بلند د سیاسەتێ دا و هند ژی ئەندام پەرلەمانن و چارەنڤیسێ مللەتەکی د پەژرینن، ئەڤە ژ بلی خوەدی باوەرناما و د هەمی مەودا یا دا.
دڤان ساڵێن داوی دا من گەلەک ژ وان نیاسین و بگەلەکا را رۆنشتم، ئەوێن من نە دیتین ژی من تم ژ دورڤە گوهێ خو د دا دەنگ و باسێن کارێن وان و کانێ د چ بابەتدا د خەبتن.
ئەز بڤێ رەفا ژنێن خوەدی هێز وئازاد پڕ دلخوەش بۆم، لێ مخابن من نە دیت کەسەک ژ ڤان بباشی ل سەر خەباتا ژنەکا دی بپەیڤیت، من گەلەک کێم دیتن کو براستی ببن لایەنگر ژ بۆ ژنەکێ وهەیا د دەنگدانێدا لدەمێ هەلبژارتنێ دا ژی ژنا دەنگێ خوە نە د دا نفشێ خوە.!!
خهێ داخێیە کو پەیوەندی د ناڤبەرا رێکخراوێن ژنا بخوە یا قەلسە و دوورە ژ ڤیانێ و هەڤدوو قەبۆلکرنێ وکارێ بکوم د ناڤدا یێ خەتمیە کەس ژ وان ئاخفتنەکا خێر تێدا ژ بۆ هەڤدوو قەبۆلکرنێ ئەن بباشی باسێ هەڤدووکرنێ نەبۆ.
تەرزی ڤێ بێهناسیخوڕیێ خەفک لبەر هەڤدو راچاندن وگەلەک جارا ژی لکومبۆنێن گشتی دبنە شەڕەدەڤ چوندان، دێ بێژی یێ لسەر کانیا گوندی لدەمێن کێمبۆنا ئاڤا وشەڕێ جەڕکانە کا کی دێ بەری یادی جەرکێ خو تژی کەت.