ڕۆژهەلاتا ناڤین یان ڕەش هەلاتا ناڤین؟!

17/11/2022

خورشید ئەحمەد سورچی
د سمینارەکێ دا یێ بەرهەڤبووم  دگەل هندەک هەڤالان، پرسا وان لسەر (ڕوژهەلاتا ناڤین هەمبەر گوهڕینان) بوو، پشتی کو دەرفەتا ئاخفتنێ بمن هاتیەدان، پشتی سوپاسیا وان من ڕەخنەک ژ مانشێتا پرسا وان گرت سەبارەت ڕوژهەلاتا ناڤین، بوچی ڕەخنە؟ چونکی ڕوژهەلاتا ناڤین دنوکەدا هیچ سەنگەکا زاراڤی نەمایە و ئەو دەڤەرێن ڕوژ ژێ هەلدێت، دڤێت دەڤەرێن ئەکتیڤ بن و خەلکێ وان ئەکتیڤست بن، هەڤدژی دەڤەرێن ڕوژ ژێ هەلتێت ئەو دەڤەرێن ێن کو دەولەتێن نە ئەکتیڤن و خەلکێ وان دەڤەران نزانن ماف و ئەرکێ خۆ ژێک جودا بکەن .

ئەڤە چەندین سال و سەدە بوورین حەتا نوکە دەڤەرێن ڕەش هەلاتا ناڤین ژبلی (هەڤڕکی و تیرۆر و پاشکەفتنێ و دویڤلانکیێ) چ تشت ژێ دەرکەفتیە، لەوڕا یا فەر ئەوە ژ جهێ ڕوژهەلاتێ ئەم ڕەش هەلاتێ بکاربینن ، پاشی من کورتیەک لسەر بابەتێ وان ئاخفت و دوو پسیار من ئاراستەیی هەڤالان کرن .

کورتیەک ژ ئاخفتنا من: دەڤەرا ڕەش هەلاتا ناڤین گرنگیا خو یا هەی ب تایبەت ژ ڕوویی جوگرافی و ئابوورێ ڤە و ئەڤ دوو فاکتەرە ێت بووینە ئەگەر کو تموحێت دەولەتێن زلهێز زێدەتربن هەمبەر ڤێ دەڤەرێ و هەمی زلهێز ئامرازێن خۆ ێن سیاسی و سەربازی و ئابووری لڤێ دەڤەرێ پڕاکتیزمە بکەن و ڕوژ ب ڕوژ سیڕاعێت وان زێدەتربن، هەروەسا سیڕاعێن نافخۆیی ێن ڤان دەڤەران دبنە ڕێکخوشکەر بو زێدەبوونا هەژموونا دەولەتێن زلهێز ب تایبەت ئەمریکا و چین .