بۆ ل ئەورۆپا زارۆکا ژ دەیک و بابان وەردگرن؟!!

18/11/2022

رزگار حمید شریف
وەک کەسەک شارەزا د بوارێ سیاسەتا ئەورۆپیان بەرامبەر زارۆکا، دێ رۆهنکرنەک کورت ل سەر هندەک ئەگەرێن وەرگرتنا زارۆکان ژ دەیک و بابان بەحس کەم.
ل ئەورۆپا و ب تایبەت ل سکەندیناڤیا، دەزتگەهێ پاراستنا زارۆکان ڕێژەیەکا باش ژ زارۆکێن کورد ژ دەیک و بابان وەرگرتینە. ل ڤان ولاتان زارۆک وەک بنیاتدەرێ پێشەرۆژا ولاتی تێنە دیتن و لەورا گرنگیەکا زێدە ب پەروەردەیا وان تێتەدان و چاڤدێریەکا هویر ل سەر وان تێتە کرن.

ئەڤە ژیک هندەک ئەگەرێن برنا زارۆکانە ل ئەورۆپا:
⁃ ب کار ئانینا توند و تیژیا جەستەیی و دەروونی بەرامبەر زارۆکان.
⁃ نە تێگەهیشتن ژ پێتڤیێن زارۆکی یێن هەستی و جەستەیی.
⁃ پشتگوه ئێخستنا زارۆکان و ب کار ئینانا پارێن وان بۆ مەرەمێن دی.
⁃ نە تێگەهیشتن ژ پەروەردەیا ساخلەم، بۆ نموونە دڤێت هەمی زارۆک ل دەم ژمێر ٨ ناڤ تەختی دا بن و هیچ ئامێرەک ئەلکترونی ژوورا وانڤە نەبیت.
⁃ شەرکرنا دەیک و بابان دەف زارۆکان و نە پاراستنا زارۆکان ژ شەرێن مەزنا یان ژیک ب کار ئینانا ڤەخۆرنێن کحولی و کەرستێن بێ هوشکەر دەف زارۆکا.

حاکمەک دۆرڤێژی گوت دەیک و بابەک کورد من چ گومان نینن کو هوون حەژ زارۆکێن خوە دکن، لێ وە نەشیا پەروەردەیەکا باش بدنە بەر وان و وە نەشیا ژینگەهەک ساخلەم بۆ وان دابین بکن و ئەو گونهە کەڤیتە ئەستویێ وە.