عەقلێ کرمانجی پاشی دهێت!

22/11/2022

غیاسەددین نەقشەبەندی
نزانم چ خولیسەرییە ئەم تێدا دژین؟ ئەم چەوا دونیایێ دبینین؟ بوچی خوینا مە هندا بێ نرخ و بێ بەهایە؟
بوچی پێدڤی بیت سەرا تەسسەکێ دەھـ ئوتومبێل وەرگەڕیێن، دا ژنوی شاتەوانی ئان هاتنوچوون دو کیسکێت چیمەنتویێ بکەنێ؟
بوچی پێدڤی بیت  بهزاران مرۆڤ سەرا ترافیک و رێک و خیچکرنا جادا و نەبوونا هێمایێت هاتنوچونێ گیانێ خو ژ دەستبدەن؟
بوچی پێدڤیە بدەهان مروڤ بمرن، دا تانکێت غازێ بەری دانانێ بهێنە پشکنین و کوالیتی کونترول کارێ خوبکەت؟ بوچی پێدڤیە ڤەڕێژەکا مروڤان سەقەتکەین، دا بزانین سیستمێ فێرکرنێ یێ ئیفلج و بکێرنەهاتیە؟
بوچی مرۆڤەک ببیتە سەدەما کوشتنا خەلکەکێ بێ تاوان ئان بخو  بمریت، ژبەر نەزانینا بکارئینانا ئوتومبێل و ئامیران؟
بوچی داعش پێشمەرگان شەهیدکەت، دا پاشی بزانین کا سەنگەر و چەپەر دهێنە چێکرن؟
بوچی بسەدان مروڤ بمرن ژبەر مێژتنا ئاڤێ ژماتوران، کەهرەب گرتنێ و سوتنا ب سەدان مروڤ ببەنزینێ دا ژنوی بزانین؟
ئەڤە چ کارەساتە؟!!!