ئێتین!!

1 مانگ پێش ئێستا

دیار شوكری
مخابن مە گەلەک تشت وەک کەلتور و کار و شینوار و رێنجبەریا ژیانێ ژ دەست دا، ئەڤا د وێنەی دا دهێت دیتن (ئێتین)کو ل سالێن شێستان دهاتن دانان ژبۆ دروستکرنا (کسل)دهات بکار ئینان. ئەو بەرێن پێدڤی ل چالەکێ ب ئاوایەکێ گروڤر دهات نژنین و ئاڤاکرن و تژی دار دکر و چاڤکەک بتنێ د هێلایێ و ئاگر ب دارێن تە تێدا هەلدکر و ئەو بەرێن ل دەوروبەران دبون کسل.
کسل ژبۆ قەسر و ئاڤاهیێن وی دەمی یێن مەزن و بلند دهاتن بکارئینان ل شینا چیمەنتوی بکار دئینا ژبۆ ئاڤاکرنێ، ئێتین ل گوندێ کەشانێ هەنە و ئەڤە ئێک ژ وانە کو د سالێن شێستان دا کار پێدکر. لێ جوداژ وێ چەندێ کو ئەڤ کارە نەمایە و بەر ب نەمانێ چوویە، ئێدی شینوارێن ڤی کاری ژی بەر ب نەمانێ چوونە و بزەحمەت بهێن دیتن. لەوڕا ئەڤە کەلتورێ مللەتەکی یە و نابیت ب چ رەنگان کەلتورێ مە ژ ناڤ بچیت و کەلتور واتە پێناسا مللەتێ مە. ژ دەست دانا ڤان شینواران دێ خوسارەتیەک مەزن د کەلتور و شینوارێن مللەتێ مە دا پەیدا کەت ، نفشێ داهاتی دێ نەفرەتا ل مەکەت .