موندیال.... قەسابخانا (هێزێ‌)...؟!

كوڤان حسێن
یاریێن ئولمپی و موندیالا ژی ژ خاندنێن سیاسی دڤالا نینن و ئەڤە دبنەكوكا خودا هەڤركیەكا دی یا سیاسیە، لێ‌ ب ئالاڤێن وەرزشی و یونانیا هەمی هەڤركیێن خوە یێن سیاسی و سەربازی رادگرتن و دەرفەت ددا شیانێن تاك و كەسان ل ئولمپیا دا.
ئەوێ‌ ژی چێژەكا خوش هەبو بۆ مرۆڤان وەكی ئێك ژ باژێرێ‌ وا ببا قارەمان. دبێژن دبنەكوكا خودا ڤە دیتنا تەپا پێی ژی باگراوەندەك بازرگانی هەیە و هندەك كەسان ل داویا چەرخێ‌ 18 كومبوونا مرۆڤان ل دور ڤێ‌ یاریێ‌ ب دەرفەت دیت وەك یاریەكا جەماوەری بۆ بازرگانی و مفایێ‌ دارایی بكار بینن و ئەنجام دا ژی نوكە ئەو بیروكە باشا دیارە كا جەوا سەرگرتیە.
لێ‌ یاریا و ئەنجاما و تیما و یاریزانان نوكە شارەزایێن خوە هەنە و یسپوری دڤی وارێ‌ ئافراندی دا پەیدا بویە و قەت ژ یاریا پیسا سیاسەتێ‌ ژی دیر نەكەفتیە. لێ‌ یا یاری دیار دكەن ئەڤە هەمی گاڤا هەمی وەلاتەك نەشێت قورغا ئەنجاما بكەتن و هزرێ‌ بو هەتا لاوازترین تیم ژی نەكەتن. ئەم نە شروڤەكارێن وەرزشی نە لێ‌ وەك دیار ناڤێن مەزن ڤێ‌ جارێ‌ تو شی شوكێ‌ بونە دگەل وان تیما یێن هەمی گاڤێ‌ ب لاواز لێ‌ دنێری. ئانكو كەس نامینیت بهێز هەتا هەتا ئەڤ یاریە نە دەرفەتێ‌ ددەنەكا لایەنێن لاواز ژی شیانێن خوە دیار بكەن و بۆ وەلاتێ‌ خوە شانازیا تومار كەن.
یاریكەرێن ئەفریقایی و ئاساییا ژ راستی خەریكە بەركا توپا پیێ‌ ژ ئەوروپا و لاتینان وەربگرن و نەدیرە ژی, هەتا ئەگەر وەسا ژی نەبیت تیمێن جێواز ڤێ‌ جارێ‌ پرسیار درستكرن و تیمێن مەزن یان كرنە دەرڤەی موندیالێ‌ یان ب شەرمینی هندەكا ب كوتەك خوە دەربازی قوناغەكا دی كریە. ئەڤە سیاسەتە بەلێ‌ شیانێن وەرزشی دەرفەتی بو جیهانێ‌ شیانێن خوە دیار بكەن، ئەگەر جی د ململانێن سەربازی دا بەرامبەری نینە لێ‌ لڤی مەیدانێ‌ شێوەكی دی دیالوكێ‌ دكەتن.
یاریا ئیران و ئەمریكا ژ راستی یا سیاسی بو ململانا جەمسەرێن نوكە یە ل روژهەلاتا ناڤین یاریێ‌ دكەن. لێ‌ ئەنجام هندە گرنگ نین هندی ئەو چەندە گرنك مروڤ و هەڤركیێن خوە بی چەك و تەكنولوژیا دابەزن مەیدانەكا سادە و شیانێن كەسان یارییێ‌ بكەن. نەخوشیا ڤێ‌ ریدانا جیهانیا مەزن و كێم وێنە بۆ مللەتێن بێ‌ دەولەت ئەڤە خوە دڤان كەرنەڤالێن جیھانی دا نابینن و ئەڤە كارە ب دەولەتا هاتیەدان نەك مللەتان و بڤی رەنگی ب ملوینان شیانێن گەلێن بێ‌ دەولەت لبەر چاڤ نەهاتیە وەرگرتن، راستە فیفا ژ بەری نەتەوەیێن ئێگرتی ژ دایكبویە لێ‌ ئەو ژی كیانێن سیاسی ب مەزج دادنیت بو یاریا و ئەندامێن فیفایێ‌ ژ ێن یوئێنێ‌ پترن, داخوشتر بیت كورد ژی بەشدار بان ئەگەر نە ل موندیالێ‌ ل هەر ل ڤاڤارتنا داژی خوشی و شانازی بوو...