رەوشەنبیریا جڤاکی نە بتنێ د مافێ ژنان دایە!

دلگەش شوكری نێروەی
هەر وەلاتەک ژ چەند چین و توێژان پێکدهێت، کۆ ئەگەر ئەڤ چین و توێژە چەند رەوشەنبیر و زانا و زیرەک بن، ئەو وەلات دێ پتر رێژا پێشکەفتنێ بدەستخوڤە ئینیت. واتە ژلایێ هزر و بیر و باوەران ڤە مروڤ بگەهینیتە وی ئاستی کۆ بشێت کارێن خۆ ب باشترین  شێوە برێڤە ببەت.
 ئەڤرو ل وەلاتێ مە  دبینین کۆ گرنگیەکا زور دایە مافێ  ژنان  و بەردەوام مافێ ژنان و چاوانیا سەردەری دگەل وێ و پاراستنا مافێن وێ و هتد... د مێشکێ مە دا د خوێنن. لێ بدیتنا من باشترە خەلک ژ هەموو لایەکێ ڤە بهێتە رەوشەنبیرکرن و ئاستێ وان بهێتە بەرزو بلندکرن کرن. واتە ئەگەر  رەوشەنبیریا گشتی هه بیت ئەو بخۆ دێ مافێ ژنان  هێتەدان و هێتە پاراستن، نەک بتنێ مافێ ژنان بەلکو گەلەک مافێن دی ژی مینا: مافێ زەلامی، مافێ زاروکی و هتد...
لسەر ڤێ چەندێ ئەم دشێن وەسا دیار کەین کۆ رەوشەنبیریا مروڤی ژ وێرێ دەست پێدکەت، دەما ئەم بشێین د رامانا مافێ مروڤی تێبگەهین، دەما مە رامانا مافێ مروڤی بدوروستی ل جەم خۆ شروڤە کر ئێدی هه موو ئازادیێن، رەوایێن، تاکەکەسی کە ئەڤرو ژیان و جیهانا مەدەنی شیاینە چارچوڤەکێ بۆ دروست بکەت دێ شێن لدەف جڤاکێ خۆ بکار بینین ، ئەنجام ژی دێ بیتە کۆ هه ر مروڤەک بزانیت دەستپێک چاوان وەک مروڤ، پاشان رەگەز، پاشان نەتەوە، و پاشان ئایین تێدا بژیت .