(400) ملیار... (بەرتیلن) یان (دەست بەعە)...؟!
6 مانگ پێش ئێستا
كوڤان
حسێن
پرسێن بەغدا
و هەولێرێ هندە كەڤنن، هندی عەمرێ عێراقێ نە و كی ڤەگەریت ئەجندایا دیالوكا دناڤبەرا
كورد و عەرەبا دا ژ دەستپێكا ئاڤابوونا ڤێ عێراقا زكێ حەرام. دێ باش بۆ دیار بیت
دیالوكا نوكە و یا بەری سەد سالا هەر زڤرینە دئێك بازنەیدا. دناڤبەرا ئینكار و رژدیێ
دا، دناڤبەرا ملەتەكێ بن دەست و مەزهەبەكێ سەردەست دایە, هەردەم پرسا كوردا پرسا
ئاخێ و سەروەری و سەردەستی و زمان و كلتورەكێ تایبەت بویە. ئانكو پرسەكا ئابوری
نەبویە، كوردستان ژ رویێ ئابوری ڤە بو عێراقێ گرنگ بویە و بۆ كوردا پرسەكا هندە
مەزن نەبویە.
دبێژن
سومەریان ژی بو ژیانێ پشت ب میزوبوتامبیا كوردستانا نوكە ڤە دبەست, ب هەمی ئاوای
باشترین پەیوەندی دناڤبەرا سومەری و ئاكنجێن جیایان هەبوو. لێ تا نوكە ئەو پەیوەندی
سەر راست نەبویە هەمی گاڤێ هەولا (تەبەعیەت) كرنێ هاتیەدان، ل شوونا پێگوهوركانا
پەیوەندیێن ل ئێك ئاست. شاندنێن دیالوكا كوردی و عێراقی تانوكە ژی ژبلی هندە رستێن
شێلی لسەر تشتەكێ زەلال رێك ناكەڤن. هەر ئالیەك چاڤەریێ ئایندەییە بەلكی دەربێ
خوە بدانیت و ئارەستا دیالوكا بیتە ڤە خالا (صفرێ). حكومەتا نوكەیا عێراقێ ژ
راست باوەری ب دەستوری هەیە. ئامادەیە هەر چونە سەرژمێریەك باوەر پێكری بكەتن. ئامادەیە
سامان و دەستەلاتێ دگەل كوردا و سنەیان دابەش بكەتن. باورەناكم ئەڤە ستراتیژیكا
حكومەتا شیعەیا نوكە بیت, لێ وەك تاكتیك و سەربور وەرگرتن ژ سەربەرێن سالێن بوری
بو وان هندەك بەرچاڤ زەلالی درست بویە, هەچكو گەهشتین وێ باوەریێ ب هندەك ئوڤەرێن
ئابوری كوردا پەلكێشی خوە بكەن و پرسێن دەستوری ژی ل دیف دەمێ سار و بێ بها بكەن
و سنەیان ژی بشت راست بكن، كو ئێدی نە تیرورستن د جاڤێن وان دا.
ئەڤ حكومەتا
ژ نەچاری پێك هاتی، هندەك بابەتەت لسەر خوە كرینە ملك ژ وانا شیعە دبێژن ب هەر رەنگێ
هەی كوردا رازی بكەن ئەگەر پرسا پارا بیت عێراقێ پارە مشە هەنە, لێ بەرامبەری
هندەك تەنازلا یە هەر چەندە ئاشكرا نە هاتنە دیار كرن, هەمی رێكەفتنەكێ پاشكویەك
نهێنی هەیە و پارتی و ئێكەتی ڤێ نهینیێ دزانن چیە. لێ دیار نینە ئەڤ 400 ملیارە
دەڤ شرینكرنەكە یان دەست پێكەكە بۆ دوماهیك ئینا ڤێ گێلەشوكا سەد سالی.