سەرساڵ

عزەت یوسف
بەروڤازی گەلەکان، شەڤا سەرێ سالێ نەجوداتر ژ پڕانیا شەڤان ئەز مامە د قولاچکا مالدا، نە ساحا سەبێ و نە پرا بەری و نە سەهۆلەکە و نە چ مەزرەعە و نە ژی چ مۆل و هۆل، بەس ل مال ل گەل چایا کێم شەکر و رەش، شوینا کێکێ کولندێ کەلاندی  و چاڤک و لاتپۆپا خۆ، ئەز ل گەلەک مالپەران گەڕیام ژ وانە رۆژناما گاردیان یا بەریتانی، کو هندەک پێشنیار بۆ سالا نوی ل گوڕ سەروبەر و چارەنڤیسێ هندەک گەل و میللەتان پێشبینی دکرن، کەتە بەرچاڤێن من. ناڤێ گەلەک دەولەتان هات، لێ ناڤێ دەولەتا من نەهات، دبیت گەلەکان هەر ئاگەهی ئەڤێ سوحبەتێ نابن، کێم نەبن، چونکی سەرقالی ئاهەنگ گێرانێنە، یان تەماشەی ئاهەنگێن سەرسالێن جیهانێ دکەن. پاشی من گەلەک پێچ و کەناڵ و رۆژنامە و نووچە یێن بیانی و سەرتاسەرێ جیهانێ سەروبن کرن، کو بەلکی هەتا  ب شاشیڤە و لبەر کوچکێ بالاڤیان پێشبینیەک بۆ کوردا بۆ ساڵا بێت کربیت، کا دێ سەرئاڤ کەڤین؟ بنئاڤ کەڤین!؟نە هەرێ وێرێ ژ کیڤە! من نەدیت!