(ئازادی) و (گلێشێ) خوە...؟!
2 مانگ پێش ئێستا
كوڤان حسێن
دناڤبەرا
ئازادیێ و بەرئەلایێ دا، دبیت بەس تێگەهشتن بیت. زورن ئەو مللەتێن باجێن مەزن داین
هەتا ئازاد بوین و نیرێ بن دەستیێ لادای و ئازادی ماركەكا دیار نینە و بۆ هیج ملەتەكێ
ناكەڤیتە بن هیچ فیلتەرەكێ ژی. ئانكو ئازادی لهمشتەكا دژوارە و دبیت تەمەت باشی
و چاكیا خوە هندە دەر ئاڤێژتێن خراب و نە بدلێ هیچ مللەتەكێ دگەلدا هەبن. هیچ مللەتەك
نینە ب هەمی ئاوایی ژ ئازادیێ رازی، نەمازە ل پرسێن جڤاكی و كەسوكیدا.
ئەڤە ئەوروپایە
تژی كەڤلێ خوە ئاریشە دگەل ئازادیێ هەنە، نەمازە لادانا گەنجا و بەربەلاڤبونا
مادێن بێهوشكەرو توندبوونا نەژاد پەرستیێ. ئەڤە كوردن تازە مە پیچەكا ئازادیێ یا
دیتی و هێشتا دگەلەك واراندا ژی ئازادیا مە یان بگومانە یان یا كێمە ژ ئالیێ سیاسی
و چڤاكی ڤە. هەمی سالا وەختا دبیت دەمێ ئاهەنگێن سەرسال و بیرەوەریێن گشتی، ژ یێن
ئاینی بگرە تا یێن سروشتی. دێ بینی چڤاكێ مە ب ئازادی دابەشی چەندین دیتنا بوو. ئەم
رادهێلین ئێك وەك دوژمنكاری و رەنگە هەتا گەفێن كوشتنێ یێن نەپەنی ل ئێك دكین. ژبیرا
خو دبەین چەندین بەرەبابێن مە ژ بۆ ئازادیێ لبەر خودایە و شورەش كرینە، مال ویران
بوینە و گەنج سێدارە شەهید بوینە. بێگومان ھەر بۆ ڤێ ئازادیێ بوو. ئەڤ ئازادیە
دبیت هندەك ئالیی بۆ مە دلخاز نەبن یان هێشتا زوی بیت، لێ هەر خوە لادانەكا مە ژڤێ
پاشڤەماینە ژ كاروانێ مروڤایەتیێ، نزانم ژ راست ئەم جڤاكەك هەژهەژوكین ب بایەكێ
یان ئاهنگەهێ دێ ستوینێن مە لەق لەقن و دبیت ژناڤبجین.
ئەگەر ئەڤە
راست بیت ئەو بخوە ئەم چوینە و بابەت وەختە یان ژی جڤاكێ مە هندە هشكە ب بەلاڤبونا
(ستوریەكێ) یان دیتنەكێ دێ توشی زكچوونا رەوشتی بین. ئەڤە ئازادیە و هێشتا هندەك
دبینن یا كێمە، ئانكو ئازادیی هەمی باشیێن خوە خولكێ مروڤی گەش دكەتن مە ب چەرخا
ژیان یا لبن دەستێ سیستەمێن ئولیگارشی و
تیوگراتی و دكتاتوری بوراندی. ئەم ب تەمەت نوكە ئازاد نەبینە. دیارە ڤێ ئازادیێ
خرابكاری هەنە بێگومان لێ ب هەمی خرابكاریا خوە ڤە ژ (استبدایێ) باشترە.
باوور
ناكەم جڤاكێ كوردی هندە لاواز بیت دەما تێكەلی خەلكێ بیت هندا ببیت. تنێ شانازی
بون بخوە دگەشەك ئازاددا دیار دبیت, كەسی و چڤاكی د ئازادیێ‌دا شیانا دەربرینێ ژ
خوە هەیە ب هەمی رەنگ و دیتنێن خوڤە. لهمشتا گلوبالیزمێ ئێك پاكێجە و دابەش نابیت
یان هەمی پێكڤە یان ژ یان وەك كوریا باكور و ئەفغانستانا تالیبان و تركمانستانا
نوكە. بهێزترین مللەت ئەون یێن دڤێ پرسێ‌دا بەشدار، ئەما یێن وەك مە بتنێ
(مستهلك) ژ راستی ژ شەرما دڤیا مروڤ بێدەگ بیت باشترە ژ شەهمزاریا دەستێن ڤالا.