ئەرێ تە ئەڤرو کچا خۆ دایە بەر سینگێ خۆ؟!!

نور زانا
ل مێژەنیە مە کوردا د کۆمەلگەها خۆدا دەستێ خۆ هاڤێتیە ماف و حەقێ کچ و ژنان، هەر کەسەک و هەر جار بناڤ و درووشمەکێ تەیسووک و خۆش خۆشکەر هەر دیسان مێیینەکە دبیتەڤ قوربانیا ڤان جۆرە تەیسوکێت ب کێری کۆمەڵگەها مە نەهێن، بەلێ لێرە من دڤێت تنێ بەحس ل پێدڤیەکا هەمی کچان  بکەم و کاریگەریێن وێ یێن کو هەتاهەتا ل سەر ژیێ وێ دمینن بکەم.
توو ئەی باب ل ڕۆژا کچا تە ژ دایک دبیت و هەتا دیماهیک چرکا ژیانا خۆ توو چیێ ساخبی و چ دژیانێ دا نەمابی، کچا تە هەر پێدڤی ب تەیە هەر یا ل هیڤیا وێ چەندێ بۆ ئێک جار ژی بیت، کچا خۆ بدەیە بەر سینگێ خو و دەستێن خۆ دپڕچا وێدا بینیە خار و ریێت وێ ب تبلێن خۆ بگڤێشی و ئەنیا وێڤە ماچی بکەی و ب نەرمی پرسیار لێ ب کەی، ئەرێ ئەڤروو کەسی چ زیان گەهاندینە تە یان نە؟
 ئەگەر توو ڤێ پرسیارێ ب شێوەیەکێ عاقلانە پرسیار نەکەی و ل دیڤ نە گەڕێی کا ئاریشەک هەیە یان نە و بێ گۆمان چ کچ نینە دبێ ئاریشە بن، بەلێ هەردەم یا هاتیە ترساندن و بێ دەنگکرن و هەتا دمریت ئاریشەیێن خۆ دگەل خۆ دبەتە دگۆڕێ خۆدا و کەسی هایل حالێ وێ نینە، چۆنکی بەردەوام بۆ ڤەشارتنا ئاریشێن خۆ گرنگیێ ددەتە جوانی و سەروبەرێ خۆ و دگەل ڤێ ڕەفتارا خۆ دا کۆ تووشی رەخنەیێت ماڵا خۆ نەبیت، خۆ ب کارێن ناڤ ماڵێ ڤە ماندی دکەت.
 تویا باب بزانە کچاتە ل لایەنێ دەرونیڤە یا ئارام نابیت  ئها ل ڤێرێ ئاریشە دێ مەزنتر بیت و دێ کەسەک دی هەبیت ب سناهی کچا تە پێڤە بهێتە گرێدان و  بێی کو ئەڤ کەسە پرسیار بکەت، کچا تە بخۆ دێ ئاریشەیێن خۆ بۆ بەحس کەت و ناهێتە چارەسەرکرن بەلکۆ دێ مەزنتر بیت، چۆنکی هەر دژیەکی دا دێ کەسەکێ نوی ناسیت هەر کەسەک د بەرژەوەندیا خۆ دا دێ چارەسەریەکێ بوو کچا تە بینیت.
ڤێجا توو یا یێ خۆ ددانێی بابێ کچەکێ، کچا خۆ بدە بەر سینگێ خۆ بەری کەسەک دی ل جهێ تە ڤێ بوو کچا تە بکەت. هێشتا ئەو یا بچیکە پێدڤیەکا مەزنا ب تە هەی پێدڤی ناکەت توو ب هێلیە ب هیڤیا دایکا وێ بتنێ ڤە و پشتگوهـ ب هاڤێژی و پشتی هەر ئاریشەیەکێ لومەی دایکا وێ بکەی و کۆمەڵگەهـ و دەوروبەرێن خۆ گونەهبار بکەی. گۆنەهبارێ سەرەکی تووی پێش وەخت  تە ئەو بۆ کچا خۆ نەکر یا پێدڤی و نۆکە پێدڤی ناکەت کچا تە چ قوربانیا بدەت،  کچێن خۆ بدەنە بەر سینگێ خۆ  هەر ڕۆژ دووبارەبکەڤە،  هندی زویتر کچا خۆ بدەیە بەر سینگێ خۆ تە درەنگتر یا دایە بەر سینگێ خۆ.