خەونین مللەتێ من، مافێن ئاسایی نە ل وەلاتین دی

لاوین سلێڤانەی
هندی بیرا من دئێت خەلکێ مە هندەک داخازی و هیڤین هەنە وەک بەرمیلەک گازی حکومەت ل زفستانێ بدت وان، کارەبا وان بکت ٢٤ سعەت، موچە د وەختی خوە دا بیت دانی، پاشکەوتی فەرمانبەرا لێ بهیت زڤراندن، کارەبا موەلیدی نەمینت، دامەزراندن بو دەرچووی هەبت و دەلیڤین کاری زیدەبن، بهایێ پانزینێ بهیت خواری، چاڤدیری سەر بازاری هەبت بازرگان و دکاندار ب دلێ خوە تشتی گران نەکن، ب هاتنا بارانێ باژیر بن ئاڤ نەبن و تژی مالین خەلکی ئاڤ نەبت، کارگەھ ژ ناڤ مال و گوندین خەلکێ بهین راکرنێ و بس بهینا ژەهراوی بکێشن، جادە بهین دروستکرنێ و بەرمایکین گلیش سەر جادا نەمینن، ئانکو ب کورتی خەلک ب کەرامەتا بژیت و ژیانەکا ب ریک و پیک بت،.
چونکی روژ بو روژێ رەوشا خەلکێ خرابترە و باشتر لێ نائیت، دی نەفت ل جیهانێ گران بت دی خەلکێ مە باجێ دت دێ ئیت خواری خەلکێ مە دی باجێ دت، مخابن ئەڤ چەند هەمی ژ ئەگەری پلانین نە درستە و ریڤەبرنا نە درستە  دئیت سەری مە،  ئەم سەر بیرین نەفتی بنڤن و هیڤیا خەلکێ مە گاز و پانزین بت، ل وەلاتین پاشکەفتی دەمی ڤان تشتا بو مللەتی خوە دکن چینا  مەلاقان ب منەت سەر خەلکێ د هژماریت ، بەلی ل وەلاتی پێشکەڤتی ئەڤە ب مافەکێ ئاسایی دئیت دانێ بو هاوەلاتیان و حکومەت ڤێ ب ئەرک دبینت، هیڤیا من ئەوە پچەکێ حکومەتا مە چاڤ ل وەلاتین دەوربەرین خوە بکت بس بهیلت هاوەلاتیێ مە رزیل و زەلیل بت و چارەیەکێ ل ژیانا وان بکت مافێ وان یی ئاسایی بو دابین کت، بتنێ دێ بیژم مخابن ئەو تشتی ئەم ل فیری خەونا پیڤە دبینن و نەشین ب درستی داخازا وی بکن ل وەلاتەکێ بێ بەرامبەر بو خەلکێ دئیت دابین کرنێ.