چەوانیا بەرسڤدانا پسیارێن زارۆكی

رێژین ئەحمەد
‎مەرەم ژ ڤی بابەتی چەوانیا بەرسڤدانا پسیارێن زارۆكی یە، زارۆك دەما دگەهیتە ژیەكێ كو ژیێ تێگەهشتنێ بیت، هەر ژ ژیێ(٧) سالیێ و وێڤە دەربارەی گەلەك بابەتا هزر و پسیار بوو زارۆكی چێدبن، و ل ڤێرێ ئەركە ل سەر ملێن دەیبابا بەرسڤا پسیارێن زارۆكی خو بدەن، گەر پسیار دەربارەی چ بابەت پێدڤیە بهێتە بەرسڤدان، ل دوف ژیێ زارۆكی و هزرا زارۆكی  بەرسڤدانا پسیارێن زارۆكی زورا گرنگە لێ پێدڤیە ئەو پسیارا زارۆك دكەت ب روونی و دروستی بهێتە بەرسڤدان، بوو پتر ڕون بوونا ڤی بابەتی...

‎١ـــ خالا هەرە گرنگ ئەوە كو پێدڤیە دەیك و بابا ڕەوشەنبیریەكا زورا باش هەبیت، د بابەت و بوارێن جودا دا داكو بشێن بەرسڤا پسیارا زارۆكێن خو بدەن.
‎٢ـــ ب شێوەیەكێ جوان و سەرەدەریەكا دروست دگەل زارۆكی بكەن د دەما پسیاركرنێ دا، داكو زارۆك پسیار و هزرێن خو نە گەهیتە بەر لایێن جودا جودا كو دبیت د دروست نە بن.
‎٣ـــ  نابیت هندەك پسیارێن زارۆك دكەت دەیك و باب پسیارا وی ب گرنگی ڤە وەرنە گرن  بوو نمونە گەر پسیار یا گرێدەی (بیر و باوەرێن ئاینی بیت یان گرێدای ڕەوشەنبیریا سێكسی .... هتد) زورا گرنگە بوو زارۆكی ئەڤ جورە بابەتە پتر ژ پسیارا زارۆك دكەت بهێنە رون كرن .
‎٤ ـــ د دەما پسیار كرنێ دا یا گرنگە دەیك و باب دگەل زارۆكێ خو گەنگەشێ بكەن، داكو زارۆك فێری شێوازی دروست یێ پسیارا و بەرسڤ و گەنگەشێ بیت .
‎٥ ـــ بەرسڤدانا پسیارێن زارۆكی ب شێوەیێ گوتن، جاران مفای ل زارۆكی ناكەت لەورا یا گرنگ ئەوە هندەك پسیارێن زارۆكی ب شێوەیێ پراكتیكی (كریار)  بهێنە بەرسڤدان.

‎ بەرسڤدانا پسیارێن زارۆكی ب شێوەكێ ڕاست و دروست و جوان دێ زارۆكەكێ ب شێوەیەكێ جوان و بهێز ئاڤا كەت، لەوڕا دەیبابێن بەرێز گرنگە گرنگی ب ڤی زارۆكی بهێتە دان داكو زارۆكێ تە نە بیتە قوربانیێ نە زانینە وەكی د دەمێ نوكە كو دەرئەنجامێ گەلەك كارێن نە دروست لدەف تەخا سنێلا و گەنجا ژ ئەگەرێ نە زانین و نە دویف چونا پسیارێن وان د ژیێ زارۆكینیێ دا، بزانە دەما زارۆكێ تە پسیارا ژتە دكەت ئەو مەزنترین دەلیڤەیە بوو تە ژبوو  پەروەردەكا دروست و ئاڤاكرنا زارۆكەكێ ژیر.