هەلبژارتنا بابەتان د پروگرامێن خواندنێ دە

وەلید سلێڤانەی
پشتی ڤان سالێن دوماهیێ، سالانە پروگرامێن خواندنێ دهێنە گوهورین ب بەهانێن جودا! لەورا ل دەمێ دانانا پروگرامێن خواندنێ یێن نوی، دڤێت ب جدی ژلایێ چەندین بسپور و راویژکار و شارەزایێن بوارێ پەروەردێ دە بێنە دورستکرن ژ ناڤەرۆک و ڕێنووس و زمانی و هەبژارتنا وان بابەتان، ئەوێن کارتێکرنێ ل دەرونێ قوتابیان نەکن و ئاراستەیی بن، نە تنێ لیژنە بێنە دانان و نڤێسین لسەر لاپەری تنێ ئیمزا ژوان بیت و تنێ پێ بچنە گەشتا ل دەولەتێن لێ دهێنە چاپکرن.
 دا درێژ نەبت بۆ نموونە. بابەتێ کوردیێ وەرزێ دویێ ل پولا دویێ بنەرەت، پشتی هاتیە گوهورین ل دەسپێکا پەرتووکێ بابەتەک هەستیار هاتیە هەلبژارتن بێ کو هزر د هەستێ وان قوتابیێن بێ باب  بێتە کرن، ئەوژی (بابۆ جان وەرە ڤە).
مە بێرییا تەکرییە هەدارا مە ناهێت
تە سەبرا مە برییە و ..... هتد.
ماموستایێ هەڤالێ مە گوت، ماموستا من ئەڤ بابەتە بۆ قوتابی خواند و شروڤەکر و گرنگیا بابێ و رێزگرتنا وی و من گوت دڤێت روژێن چەژنێ باب کورێ خو ماچی دکەت و دڤێت ئەم دەستێ بابێ خو ماچی کەین. ژ نشکەکێ ڤە من دیت قوتابیەکێ  دەستێ خو بلندکر و گوت ماموستا من باب نینە یێ مری،  ما کی دێ عەیدێ من ماچی کت. بەس  احمدی بابێ هەی و سەیارە ژی یاهەی وی دبتە فەڕرا  و سێ قوتابیێن دی ژی دەستێن خو بلندکرن و گوتن ماموثتا بخودێ مەژی باب نینە، بەس مە دەیکا هەی. ماموستایی گوت برا بخودێ ئاگر ب دلێ من کەت و من گوت خوزی من ئەڤ بابەتە نەگوتبا و من کرە ئەرکێ مال و روژا دی دەیکا قوتابیەکێ بێ باب هات دەرگەھێ پولێ قوتا و گوت ماموستا بەختێ خودێ ئەڤی بابەت  ژ وان داخازنەکە و دەیکێ گوت باوەرکە من شڤێدی نیشا کورێ خو دا  چەند ئەز و ئەو دگەهشتینە رێزا (ب شەڤ مە خەو نینە و کارێ مە هە گرییە) مە نەشیا خو و ئەم تێر  دگرین.
دەمێ ماموستایی دژوار کارگێریێ ڤە ئەڤ چیروک بۆ من گوتی،  دبەر ڕا تژی چاڤێن من وی روندک بون.
لەورا دڤێت بابەتێن دهێنە هەلبژارتن بۆ پروگرامێن خواندنێ، دڤێت چەندین جارا ژ هەمی لایەنان ڤە بێنە دیتن و خواندن و راستڤەکرن، بەری بێنە چاپکرن.