من ھونەرمەندەك دیت نە سیاسیزان

عبدالرحمن بامەرنی
ئەڤا ئەز دێ نڤیسم، ئەم چەند كەسەكێن دەستنیشانكری ژبۆ پیشاندانا پرۆڤێن شانوگەرییا (كولاڤ و پەیك) ھاتینە گازیكرن و وەك ھاتیە راگەھاندن، رەنگە ل ناڤەراستا شوباتێ ب فەرمی ل ھولا (محەمەد عارفێ جزیری)، شانۆگەری بۆ چەند رۆژان بھێتە پیشاندان و ھەر كەس دشێت ببنیت. سەرەرای ماوێ شانۆگەریێ كو دەمژمێر و نیڤان ڤەكێشای و ب نمایشەكا جوان و ئارمانجبەر ھاتیە پیشاندان، كو ئێك ئێكە دەستێ ئەكتەرێن ب شانۆیێ رابووین دگڤێشم، كو رولەكێ ھونەریانە گێرای و دگەل نمایشا رۆژا دەست نیشانكری، ئەگەر تەمەنی رێدامە، دێ دوبارە ژی بینەرییا وێكەم، لێ ئەز دێ نڤیسینا خوە كورتكەمە سەر لایەنێ ھونەری یێ من مەبەست پێھەی بڤێ نڤیسینێ ئەز بەحس بكەم. كو د تێبینیاخوەدا و دناڤ ھولێدا و ل بەرامبەری ئەكتەر و ئامادەبوویان من راستە راست گوتیە دەرھێنەرێ شانۆگەریێ كاك (عادل حەسەن)ی، من عادلەكێ ھونەرمەند دیت، نە سیاسیەكێ من دھزرا خوەدا تەخمین و وێنەكری!
یا من دڤێت بێژم ژی، كو پەیاما من بو ھەمی نڤیسەر، شاعر و ئەدیبان، ھونەرمەندان، رۆژنامەنڤیسان یا ئاراستەكریە، ئەرێ ما ئەم نەشێین ھندەكێ بۆ مللەتێ خوە، كومەلگەھێ خوە، باژێرێ خوە ژی كاری بكەین! بەلێ ئەم دشێین، من شول  بلایەنێ وی یێ سیاسی نینە كا چەند كومبونێن رێكخستنێ دكەت یان چ خوران دخوت یان چ دكەتە بەرخوە، من بەحسا پیشەییا وییە، ئەگەر ھەر ئێك ژمە ژلایێ خوە و دچوارچوڤەیێ پیشەیێ خوەدا، ببیتە ئاڤاكەر، خەلك مە ئەڤێن ئەم خوە ب نڤیسینێ و رۆژنامەڤانیێ و ھونەری دئینینە دەرێ، مە ناس بكەن كو ئەم یێن ھەمی رەنگا و ھەمی پارچانین.
 ئەرێ ھین بێژن وی دەمی رەخنە و بەرھەمێ مە، كاریگەریەكا ئیجابی ل سەر رێرەوێ دەستھەلاتێ ژی نەكەت!!! ئەز باوەرم خەلك لھیڤییا ڤێ پێنگاڤێ یە ژمە و دڤێت ئەم بخوە ژی ڤێ ل بەراھییا خوە دانین، ژبەركو ئاڤاكرنا كومەلگەھی ھیڤییا مەھەمییانە و بۆ ڤێ ژی دڤێت دەستێن مە ھەمیان دناڤ ئێكدا بن.