قوتابخانە، ل دەمێ كارەسات و پیڤەلەرزاندا

وەلید سلێڤانەی
ل دەستپێکێ هەڤخەمین دگەل مالباتێن قوربانیێن پیڤەلەرزا دەولەتێن جیران، پیڤەلەرز ئێکە ژ کارەساتێن سروشتی یێن کو ل چاڤەرێیە هەر دەمەکێ و جهەکێ رویبدەت، لەورا پێدڤی یە دەمێ رویدەت ب سەرەدەریەکا دورست مامەلێ دگەلدا بکەین، بۆ کێمتر زیان و مەترسی و ب تایبەت ل قوتابخانا، پێدڤیە هەر ژ ئەڤرو ئەم قوتابی فێری مەترسی و رویبرویبوونا کارەساتا بکەین و هندەک خالە ئەم وەرگرین، وەک رێڤەبەر و ماموستا و قوتابی و سەمیانان، بۆ نمونە:
ـ قوتابی لسەر خو بیت و بێ دەنگ بیت و نەکە تە قێژی، ماموستا رولێ خو ببینن و کاری لسەر خو دابەشکەن و قوتابیا بۆ جهەک ئارام ئاراستەکەن و خو بەرپرس دانن.
ـ ئەو قوتابخانێن دوو سێ نهوم و دەرەج هەین، دڤێت قوتابی نەکەنە غار بۆ دەرەجا و ئێک و دوو نە پالدەن دا کێمتر زیان هەبن.
ـ لافیتە و پوستەر و هێما بێنە هەلاویستن ب دیوارێن قوتابخانێ ڤە، بۆ دەمێ هەبونا مەترسیێ کو بچنە گورەپانا دەستنیشانکری.
ـ ئەگەر قوتابی ٥٠ مەترا دویری جهێ ئارامیێ بیت، بلا نە دەرکەڤیت و هەولبدەت بجیتە قولاچکێن ژورڤە و خو دوربێخن ژ دەرگەھ و پەنجەر و جاما، ھەتا هەست ب ئارامیێ بکەت و پاش دەرکەڤیت.
ـ فەرە لسەر کارگێریا قوتابخانێ چەنتە یان دەرمانخانا فریاکەوتنێت دەسپێکی هەبن و ئامادەبن و ماموستا لسەر بێنە راهینان و
د ئامادە باشیێ دەبن.
ـ دڤێت رێڤەبەرێ قوتابخانێ تومارا تەلەفونێت سەمیانێت قوتابیان هەبیت، بو هە ئەگەرەکێ نە چاڤەرێکری.
ـ هەول بێنەدان دەمێ پیڤەلەرزێ هێلا کارەبێ بێتە برین و هێلا و ئاڤێ بێتە گرتن.
ـ دەمێ پیڤەلەرز بدوماهیک دهێت، دڤێت قوتابی ب شێوەیەکێ رێز و رێکخستی دەرکەڤن و جەنتا دانە سەر سەرێ خو و خو پارێزن.
 مادەم هەرێما کودستانێ لبەر هێلا کارەسات و پیڤەلەرزا بیت، دڤێت ل حەفتیێ سمینار و وانە بێنە دەستنیشانکرن بۆ هشیارکرن و شارەزاکرن قوتابیان لسەر لافا و کارەسان و پیڤەلەرزا.