سەرهاتیا مامۆستایەک نەرویجی ل گەل رێڤەبەرێن گەندەل

رزگار حمید شریف
مە مامۆستایەک نەرویجی دوەختێ خوەدا ل زانینگەهێ هەبی. وی جارەکێ بەحسا خوە دکر و گۆت، پشتی ئێکەتیا سۆفیەت هەلوەشای و ولاتێن “ئەورۆپا شەرقی” ڤیان ببنە ئەندامێن ئێکەتیا ئەورۆپا و ئەڤ ولاتەنە بەرنیاسن ب گەندەلی و دزیێ و واستەهیێ. وی مامۆستایی گۆت داخواز ژ من هاتە کرن ئەز کۆرسا بۆ رێڤەبەرێن ئیداریێن وان ڤەکەم.
وی مامۆستایی گۆت رۆژا ئێکێ، دناڤ دەرسێدا من پرسیار ژ  هەر ئێک ژ وان رێڤەبەرا کر کا وان چەند سال سەربۆرا کاری هەنە. رێڤەبەرەکێ گۆت سی سال(٣٠) یێ دی گۆت بیست سال(٢٠) و ئێکێ گۆت (١٥) سا و .. هتد.
مامۆستایی نەرویجی گۆت وە هەمیا سەربۆرا ئێک سال یا کاری هەنە. گوتی هەمی ئەو رێڤەبەر تۆرە بین و گۆتن سەیدا ئەڤە ئەوراق و ئیسبات مە هەنە، دیار دکەت هندە سالا تەجروبەیا شولی مە هەنە. مامۆستای گۆتە وان وە هەر سال ل سەر هەمان فکر و شێوەی و بێ گهورین و چاکسازیا کار کریە و هەمان خەلەتی دوو بارە و سێ بارە و بیست بارە کرینە و ژ بەر وێ هەر سالا وە هەمان ئەنجام هەبیە و لەوا وە بەس سەربۆرا ئێک سال کاری هەیە و ئەو ژیک ئێک سالێ خەلەت ب دزی و گەندەلی و واستێ و ئەگەر وەسا نەبا ئەز ژ “ئەورۆپا غەربی” نە دهاتم، کۆرسا بۆ وە ڤەکەم!!.