بۆ وان هەردوو بچویکێن کەتینە بن دیواری

عزەت یوسف
شڤێدی مە ژی گولێ بوو، کو کومەک و یارمەتی دێ بۆ لێقەومایێن ئەردهەژێن تورکیا و سوریا هێنە کۆمکرن، کارەکێ مرۆڤاتییە و فەرە و گەر نەبێژم فەرزە.
مە ژی دبیت وەکی پڕانیا خەلکێ باژێری خۆ لێکدا، ژ جلوبەرگان؛ ساکۆ، قاپیت، بلوز، پانتەرون.. یێن ژن و زەلامان، پێلاڤ، بەتانی و ئامان، لێکدان و جوان وەرپێچان کرنە د زەرفادا. راستە هەمی ئەو کەلوپەل دەستێ دوێ بوون، لێ گەلەک ژ وان هەبوون دبیت دو جاران نەهاتبنە بکارئینان، هەمی د نوی و پاقژ و شویشتی بوون، هەتا دوو قەمسەلە یێن نوی نوی تێدا بوون، مە کچەکا بچوک هەیە، گۆت بابۆ ئەڤانە بکە تێدا بلا بۆ وان دوو زارۆکێن کەتینە بندیواری بن نوکە وان گەلەک سارە.
سپێدێ ب دلەکێ خۆش مە بەرێ خۆدا بنگەهەکێ وەرگرتنا هاریکاریان، لێ جامێرا ب جوانی و بەرسڤەک نەرم گۆتن ببورە سەیدا ئەم نەشێین وەرگرین، دڤێت دنوی بن و بکارنەهاتیبن ئەڤە رێنمایینە. ئەز ب گەرمی و دلخۆشی چووم، لێ ب ساری وەکی سەقایێ ئەڤرۆ و دلنەخۆشی ڤەگەریامەڤە.
راستە تشتێ نوی و بکارنەهاتی باشترە هەر کەسەک ل دویڤ شیان و پێچێبوونا خۆ پێشکەش بکەت، لێ تشتی دیتر ژی دێ وجەکێ گریت، لێقەومی نە ل گەشتەکێنە، یێ لبەر و سڕ و سەقەمێ پێتڤیا وان دێ ب ڤان تشتان ب باشی قەتیێت هەروەکی مە ل چەل و دەشتانێ وەرگرتین و قەبیل کرین.