ئۆغربە هەڤاڵا سەرفیراز!.

سیامەند ھاریكی
ئۆغربە هەڤالا هێژا، خویشکا دلۆڤان، ناسینا تە ئەم هویکرنە تەرزەکێ نویێ ژیانێ، مە ب هەوە پتر حنێرا ژنێن سەربلند و ئازاد، ژنێن جەوهەر زێڕ، ژنێن ب چاندەکا ئازاد، بلند و ڕەسەن پەڕوەردە بووی، خوە ل قادێ ددیت ناسکرن.
لهەمبەر وێ هێزا مەزن، وان هزرێن پێشڤەڕوو، گەلەک ناسنامە، پێناسە و تۆخیبێن بێ واتە بۆ ژنان داناین، دەرباز و بێ واتەکرن.
پێناسە و داناسین و جهەک نوو، د هزرێن مێرێن کۆلە و قەبە دا ئافڕاند، هزر و وێرەکیەک نۆژەن و ئازاد ژی د سەرێ گەلەک ژنێن کۆرد و کۆلە و د جڤاکێ دا بەلاڤکر، درۆشمێ (ژن، ژیان، ئازادی)، گەلەک باش ئەزبەرکربوو و ژ هەوە دهات.
ب هزر و قەلەمێ خوە، تە ڕێبازەک نوو یا ژیانەکا بڕۆمەت گرتەبەر، برە تەکیایێ، ل قادێ ژی ب کریار پێشەنگایەتی کر.
مەلا ئەنوەرێ مایی ژی شێخ بوو، (بەلێ مێر بوو ؟؟؟.)، شێخەکێ پێشەنگ و پێشڤەڕوویێ سەردەمێ خوە بوو. (هەلبەستا ژ دەولەت سەرێ شێخ و مەلا.. ژیان ل کۆردان بوویە بەلا) ب زەلالێ ڕۆل و هزرێن خوە نیشادانە، ب کریار ژی ل قادێ بوو، گیانێ وی شاد، شێخەک نەمرە.
هەڤالا هێژا، تۆ ژی شێخ بووی و ژ شێخێن نەخشەبەندی بووی، وەکو ل پاشناڤێ هەوە دیار، بەلێ شەپالە ژن بووی، چەند گاڤەکا ل گۆڕەی دەمی و ژنبوونێ د جڤاکەکا ژ لایێ مێرێن سەرهشک و ( باوکسالار) ڤە دهێتە بڕێڤەبرن، ئەو هزرێن ژەنگی و کەڤنار سەردەست تێدا، تە گەلەک گاڤان ژ شێخێ مایێ دەربازکر و گووتە مە هەموویان ( شێر شێرە، چ ژنە، چ مێرە).
(بلا گوڕێ تە مشت گۆل و گۆلزار بیت، هەڤالا هێژا) تۆ نامری؟!.