ژ حیزبایەتیا چاڤەخوارن و پشت قەنەپا بۆ پەیداکرنا کاری

رزگار حەمید شەریف
هەمی پارتێن هەرێمێ ب پارتێن ئوپۆزسیۆنێڤە، ل سەر هەیکەلێ کلاسیکی رێکخستنێن خوە ئاڤا کرینە و هەر ئەو هەیکەلە یێ کو دەمێ ئەڤ پارتە ل سەرێ چیا خەباتا خوە یا حیزبایەتی و چەکدرای دکرن. حیزبایەتی ل هەمی ولاتان کارەک خوبەخشە و پشتی دەواما فەرمی و رۆژێن بێهنڤەدان تێتەکرن. ل دەمەکێدا کو ئەڤرۆ هەرێمەک دەستێ مەدایە کو هزاران کارگەر و مامۆستا و خزمەتکارێن بیانی ل کوردستانێ کار دکن، مەزنترین کێشەیا هەرێمێ نوکە، بێکاری و گەنج و کۆچبەریە.

دڤێت هەمی پارت و دەزگەهێن میری کارێن پێشینەیێن خوە ژ رێکخستن و تالارسازی بۆ پەیداکرنا دەرفەتێن کاری و باشترکرنا کەرتێ ساخلەمی و کەرتێ پەروەردە بکەن و کێمکرنا خوێندنگەهێن ئەهلی و خەستەخانەیێن ئەهلی. دڤێت پارتێن مە بەشێت تەقلیدیێت خوە ژ رێکخستن و پەیوەندیان و جەماوەری و کۆمەلایەتی بگهورن بۆ بەشێن کار و پەروەردە و رێگاو بان و ساخلەمی. هەمی ئەو سەکتەرێن رۆژانە ژیانا خەلکێ مە ئاسانتر و خوەشتر دکن.


پێتڤیە هەمی پرۆگرام و پرۆژێن مە بۆ خوەشکرنا ژیانا چینێ مامناڤەندێ هەژار و چینێ هەژارێ کێم داهات بیت. ڤەکرنا مۆلێت نوو و هۆتێلێت پێنج ستێرە باژێرێت مە جوان دکن، لێ ژیانا مالباتێن هەژار و کێم داهاتێ مە خوەشتر ناکەن. ب ڤەکرنا کارگەهان و کۆمپانیێن بەرهەمهێنەر ب تایبەتی ل ناحیە و دەڤەرێن هەژار دێ شێن ئومێدێ بێخینە دلێ گەنجێن کورد دا کو ل کوردستانێ ژیک خەونێن وان ببنە راستی.

پارتێن کوردی دڤێت دیدا خوە بۆ حوکمرانی بگوهورن و کادرەک بەرهەمهێنەر، کو بشێت تایبەتمەندی د دوارێن پەیداکرنا کاری یان پەروەردێ یان ساخلەمیێ یان خوەشکرنا رێ و بانی بۆ چوونا ناڤ حکومەتێن ناڤچەیی و حکومەتا هەرێمێ ئامادە بکەت.