ژیان ته‌ڤی هه‌ر تشتی ددۆمه
4 مانگ پێش ئێستا
ئەبدولكه‌رم باتماز
ئه‌ڤ دنیا نه ملكێ باڤ و باپیرێ مه یه. ئەم هاتن ژیان
دكن و دووماهیكێ ئەمێ بچن. لێ ئەم نزانن ئەم ژ كو تێن و ئەم دچن كو ده‌رێ. هه‌ر یه‌ك
ژ مه خوه قوماشه‌ك هندی یا بێهه‌مپا د هه‌سبینه! وه‌ك كو ئەم جیهانێن پچووك
دئافرینن. ئەم ژ كه‌سی هه‌ز ناكن, موویه‌ك پچووك ژ پۆزێ مه ده‌رناكه‌ڤه.
وه‌ختێ ئەم هاتن ل سه‌ر رووكه دنیایێ مه خوه نا
هلبژارت كو ببن كورد, ترك, ژاپۆن, ئان روس ئان ژ ئە‌رمه‌ن؟ د ڤێ ژیانا كورت ده چ
گرینگە ژ من ره بێژه كو تو چقاس ژ مرۆڤان هه‌ز دكی, تو چقاس ژ وان ئاگاهداری, تو
زرارێ ددی ئان نادی وان, تو دكاری ب یه‌كێتی, بهه‌ڤره‌بوون و ئاشتی, بێ شه‌ر و بێ
ده‌نگ بژی. ئەو پیڤانا مرۆڤاتیه یا مایی چیرۆك ئە...
مه دیت ل هه‌مبه‌ر وێ ئەردههژێ ئەم چقاس بێچاره نه.
ئە‌ردهه‌ژ راستیا ژیانامه یه, ژ بۆ زارۆكێن خوه, دایك و باب دگری, زارۆك ژ بۆ
دایك و بابێ خوه دگری. ب هه‌زاران وه‌ك وه چرۆكێن ئەردههژێ هه‌نه. مرۆڤ هه‌موو
شاش مان, ئەم نكارن وان دیمه‌نێ بنێرن. تشته‌كی كو ئەم بكن تنه. ئەو فه‌لاكه‌ت
قه‌ت نایێ ژ بیركرن له ژیان ژ به‌رده‌ڤام دكه.
ژیان ب راستی زوو ده‌رباس دبه و به‌رده‌ڤام دكه.
تو ل پۆرێ خوه یێ سپی دنێری پاشێ دبێژی ئەمر خه‌لاس
بوو. هه‌زكرن و نه‌هه‌زكرنێن مه یه‌ك ب یه‌ك ده‌رباس دبه...ئێدی تو نكاری ب یه‌ك
نه‌فه‌سێ ژ ده‌ره‌نجه‌یان ده‌ركه‌ڤی. پاشێ تو دبێژی “هه‌ی گدی رۆژێن خوه‌ش” چوو هه‌ر
تشت چوو نه‌ما تێ.
وێ ده‌مێ چما ئەم هه‌ڤدو دێشینن، ئەم ژ هه‌ڤ فێم ناكن,
هه‌ز ناكن و ئالیكاریا هه‌ڤ ناكن. ده‌ما كو ئەم دمرن و دچن هه‌ر تشت ل ڤر دمینه,
ئەم وه ژ دزانن! ئاگاهیێن ناسنامه‌یا مه, په‌ره‌یێن مه, مۆهرا مه, خانێن مه,
سه‌یارێن مه. زارۆك و مالباتێن مه. ده‌وله‌مه‌ندی,
خزانی. هه‌موو تشت مان و ته‌نوو ئەم دچن.
نه دێ و نه ژی باڤ مان; كور و كه‌چ ل كو یه
دنیایا ده‌ره‌وان; ته ئەز بێواته خاپاندم
ته چاڤێن من تژی كه‌ڤر و ئاخ كرن
تو دگری یان دكه‌نی, ل من بنێره
دنیایا ده‌ره‌وان; ته ئەز بێواته خاپاندم
ب چوونا مه ژیان به‌رده‌ڤام مه هه‌موو هه‌ڤال, دۆست و
مرۆڤێن مه ژیانا خوه به‌رده‌ڤام دكن. ئەو دچن سووكێ, دچن سینه‌مایێ, دچن سه‌یرانا,
ئەره‌به, پاس, ترێنان سوار دبن, داخڤن, دكه‌نن, شه‌ر دكن, داوه‌تێ دكن و راستی ژ
مه بیر دكن.