فێلبازی د بازارێ سوشیالێ دا

جەعفەر خالد
لڤی سەردەمێ تەکنولوجیا و سوشیال میدیایا پێشکەفتی، ھەر خێزانەکا ھەبیت شیانێن ھندێ یێن ھەین ھەرتشتەکێ بکرن برێکا سوشیالێ، ھندەك کەس ژی ئەڤێ چەندێ بۆ خو بدەلیڤە دبینن بۆ قازانجکرن و فێلکرنێ .
سەردەم سەردەمێ قازانج (فایدە)کرنێ  و مفا وەرگرتنێ یە، ھەما ب چ شێوەی بیت بەس قازانجێ بدەست خو بێخەن! ئێك ژ وان قازانجا ئەڤەیە، فێلکرنێ د بازارێ سوشیالێ دا دکەن .
بەری چەند روژەکا من دڤیا بو کورێ خو (کومپیوتەرەکێ) یان بێژم لاپتوپەکێ بکرم، من د پەیجەکێ دا دیتن ب بھایەکێ گونجای بەلاڤ کربین، ئەز دگەل ئاخفتم من دانەیەك حجز کر گوتن  ئەدرسێ (عنوان) ێ خو بو مە فرێکە ئەم دێ بو تە ب تەکسیێ فرێکەن، من ژی ناڤ و نیشانێن خو  بو وان گوتن پشتی دوو روژا کەسەکێ پەیوەندی بمن کر گوت ئەم یێ ل وی جھێ تە گوتی وەرە پوستێ خو وەرگرە. ئەز چوم من دیت تەکسیەکە دوو گەنجن و چەند کارتون یێ دگەلدا، من ژی گوتێ کا ئەو پوستێ من داخاز کری گەنجەکێ دەست ھاڤێتە کارتونەکێ و کرە ددەستێ مندا، من گوتێ دروستە ئەز  ڤەکەم و سەحکەمێ کا یادروستە یان نە، کابرای گوت نە ھەوجەیە نەڤەکە یادروستە، من ژی گوتێ نەخێر دا ڤەکەم مانێ ھەر یامنە، من کارتون ڤەکر من دیت لاپتوپەکا جام شکەستی و ژ کارکەفتی یە، من ژی نەکرە نەمەردی من دلێ خو ب وان ھەردوو گەنجا ھین کر، ئەوان ژی بەرەڤانی ژ خو کر و گوتن ئەڤە شولێ خودانێ پەیجی و وێ کومپانیێ یە ئەو ڤان شولا دکەن بتنێ ئەم حەقێ تەکسیا خو وەردگرن، ھەر چەندە من حەقێ تەکسیێ ژی دا، بەلێ من کارتونا وان ھاڤێت تەکسیا واندا و من چەند ئاموژگاری لێ کرن .

فێلبازی د بازارێ ئێکسەردا وەکی کرینا کەسکاتی و باجان و پتات و پیڤازادا نە بەس بی گەھشت سوشیالێ ژی .
گەلەک جارا تو دێ ترومبێلەکێ یان ھەر تشتەکێ ھەبیت کری، دێ خودان بێژیت ئەڤە بشەرتە ئەگەر نەوەسابی بو من بزڤرینە ڤە، ل وی دەمی تو دشێ لێ بزڤرینی، بەلێ ئەگەر تو ل بازارێ ئەلیکترونی بکری پشتی دوو دەقیقا تو پەیوەندیێ بو بکەی تلەفونا تە ناراکەن..
ھیڤی یە خەلک ئاگەھداربن دەمێ تشتەکێ بکرن باش پشکنین بکەن و پاشی بکرن.