چەوا گەشتوگوزارا کوردستانێ بکەین بەدیلێ گەشتوگوزارا تورکیا؟

كاروان عزەدین
تورکیا ئیک ژوان وەلاتانە یێن کو زورترین گەشتیار سەرەدانێ بۆ دکەن، کو سالانە پتر ژ ٢٠ ملیون گەشتیار سەرەدانا وەلاتێ تورکیا دکەن، ژبەرکو تورکیا وەلاتەک گەشتیاری و سەرنج راکیێش بوو ژبو سەرەدانکەر و گەشتیاران، لێ لڤی دوماهیێ ژبەر بومەلەرز و ترس ژ بومەلەرزین شەشی شوباتا ٢٠٢٣ ل تورکیا و باکورێ کوردستانێ، ئێدی تورکیا و باکورێ کوردستانێ نابیتە ئەو وەلاتە کو بەری نکە هەژمارەکا زورا گەشتیاران سەرەدانا وی وەلاتی بکەن، ژبەر وێ ترسا ڤی دوماهیێ خەلکێ دیتی. چونکی تا نکە مەترسی ل سەر ستەنبوول و گەکەک جهێن دی ژی هەیە.
،لڤیرە دڤیت ئەم وەک کوردستان و جیرانیت تورکیا ڤێ دەلیڤێ ژ دەست نەدەین و سەرنجا هندەک ژوان گەشتیارا ژبو کوردستانێ رابکێشین، بەلێ دڤیت گەشتوگوزارا کوردستانێ بهیتە خورتکرن و جهیێن ڤەحەواندنێ زێدە بهینە دروستکرن و هەر دیسا جهین گەشتوگوزاری ب شێوەیەکی مودرین و سەردەمیانە بهینە جێکرن، ئیدی گەشتوگوزارا کوردستانێ  ببیتە بەدیلێ تورکیا و دەوروبەرا ژبەرکو گەشتوگوزارا کوردستانێ خودای و سروشتی یە کێم جهەک هەنە دەستکرد بن بەلێ دڤیت گرنگی و رێلامەک مەزن بو بهیتە کرن ب رێکا نڤسینگەهیت مە ل ژ دەرڤەی کوردستانێ، هەر نڤیسینگەهەکێ نینەرەک یان پسپورەک گەشتوگوزارێ تیدا بهیتە دانان ژبو هندێ ڤان جهین گەشتوگوزاری نیشا خەلکەکێ بیانی بدەن ئەز ل وێ باوەرێ مە ب جەند سالەکێن کیم دی داهاتێ گەشتوگوزارێ ل کوردستانێ زیدەبیت و دشیان دایە وەک گەلەک وەلاتان بخو بکەین داهاتەکێ نەتەوەی و هەردیسان زورترین دەلیڤین کاری پەیدا بکەین هەم بو خەلکێ و هەم دیسا بو دەرچویێن گەشتوگوزاری.