زمانێ کوردی و ئاستەنگ

نڤیسین،فوزی بهجت عبداللە
د هەر وەلاتەکێ ل ڤێ جیهانێ دا زمانێ خو یێ تایبەت هەیە و پێ د ئاخڤن و شانازیێ ب وی زمانێ ئاخفتنێ دبەن و بێگومان کورد ژی ژ ڤێ چەندێ بێبەهر نەبوینە و زمانێ کوردی ب چەندین زاراڤان بخوڤە دگریت، لێ ئەو زمانێ ئەم کورد شانازیێ پێ دکەین و پێ د ئاخڤین مفایێ مە تێدا هەیە ؟ یان ژی تنێ زمانەکە بو ئاخفتنێ دهێتە ب کارئینان ؟
زمانێ کوردی ئێک ژ وان زمانایە کو ل جیهانێ بەربەلاڤ لێ ئەم کورد بخو هیچ مفایەکێ ژێ ناوەرگرین ژبلی ئاخفتنێ، ئێک ژ وان نمونان ئەڤەیە، دەمێ گەنجێن مە سەرەدانا جهەکێ کاری دکەن ئێکەمین پرسیارا خودانێ کاری ئەوە بو گەنجی دێ بێژنێ تو چ زمان دزانی ژبلی کوردیێ، انکو زمانێ کوردی چ بهایێ خو نینە و زمانێن دی پتر گرنگیا خو هەیە ب تایبەتی زمانێ عەرەبی و ئینگلیزی،
ئەگەر زمانێ کوردی چ بهایێ خو نەبیت بو کاری ئەرێ ئەم بوچ کوردیێ دخوینیت و شانازیێ پێ دکەین ؟ ئەگەر نەشێت بومە دەلیڤەیەکا بتێ ژی یا کاری بدەست مەڤە بینیت،
پێتڤی یە حکومەت دوو پێنگاڤان بهاڤێژیت بو چارەسەریا ڤێ چەندێ  داکو زمانێ کوردی ڤەگەریتە بهایێ جاران ئەوە کو حکومەت یاسایەکێ بدانیت بو کومپانی و جهێن حکومی و نەحکومی کو زمانێ کوردی ببیتە فەرمی بو کاری و گرنگیێ ب زمانێ دایکێ بهێتە دان ....
یان ژی بلا زمانێ کوردی ل قوناغێن خواندنێ بهێتە لادان یان ژی ببیتە بابەتەکێ سادە وگرنگیێ بدەتە زمانێن دی وەک عەرەبی و ئینگلیزی .
گەلەک دایک و باب پارەیەکێ مەزن سالە ل زاروکێن خۆ د مەزێخن و دەنە قوتابخانێن بیانی بو فێربونا زمانێن دی ژبەرکو دزانن زمانێ کوردی نەشێت خزمەتا وان بکەت و زمانێن دی پتر دێ خزمەتا وان کەت
ئێک ژ حەژێکەرێن زمانێ کوردی مە و شانازیێ پێ دکەم ژبەرکو کوردم و کوردستانی مە بەلێ راستیەکە و دڤێت بهێتە دیارکرن داکو نەوەیێ داهاتی نەکەڤیتە ئاستەنگان و چارسەری بو بهێتە