عراق ژ سیستەمەک تاکرەوانە و دکتاتوریانە بەر ب سیستەمەک دیموکراسی

نیوار عومەر كورەماركی
ل روژئاڤا چەندەهان سالان خەبات و چەندەهان قوربانی و کارکرن ژبوی بنیادنانا وەلاتێن دیموکرات و وەرگرتنا تێگەهێ وێ ژ ئالیێ تاکەکەسی ڤە، تاکو گەهشتینە قوناغا ئازادی و دیموکراسی و رەوشەنهزریێ. پشتی بورینا ٥٠٠ سالان و ل سەردەمێن جودا جودا و بەرخودانا بەردەواما رەوشەنبیرو هزرمەندا و چاندنا هزرا دیموکراسی و تێگەهێ وێ د مێشکێ هەرتاکەکەسەکێ وەلات دا و ب لێرینەک دروست، پاشان ئەنجامێن باش لدویف خو هێلان و حکومەت و گەلەک دیمکرات دروست کرن.

ئەو دیموکراسیا کو ب سەدەهان سالان کار ژبوی هاتیەکرن و قوربانی ژ ئالیێ تاک تاک هاتیە دان، پشتی سالا ٢٠٠٣ێ مینا خەلاتەک جوان و نەخشاندی پێشکێشی دەستهەلاتەکا نەزان و چڤاکەک پاشکەفتی و ڤالا ژ ئالیێ دیموکراسی ڤە هاتەکرن کو دبنیات دا چ خواندن و چ هزر ل سەر تێگەهێ دیموکراسیێ وەرنەگرت بون، ژبلی وەرگرتنا سیستەمێ دکتاتوری و تاکرەوی و عبودیەتێ.

ژبەر ڤێ یەکێ ژی سیستەمێ دیموکراسی ل عیراقێ شکەستنەک هەری مەزن ل دویف خو هێلا و رەوش د قوناغەک هەرەمەکی و مەترسیدار دەرباز دبیت، کو هەر کەسەک لژێر هەرناڤەک و هەر ئالییەک بناڤێ دیموکراسیێ دەستهەلاتێ د سەپینن ل سەر جڤاکی لێ دبنیات دا، دکتاتوریەت بەزاندینە و ئەم دشێن بێژین دیموکراسی وەسا دایە دیارکرن ژبوی کومەلگەهێ، مینا باخچەک خەملاندی و پری گول و ریحان و پری جوانی کو هەر تاکەکێ وەلات دخوازیت بچیتە دناڤا وی باخجەیێ جواندا لێ هەر دەما نیزیکبون دێ کەڤنە دناڤا کەندەکا ستریان و ئاستەنگێن هەری مەزندا کو دەرکەتنا وان مەحال بیت و بنە سەدەمێ ژ دەست دانا خو.

ژبەر ڤێ یەکێ ژی و نەدروست وەرگرتنا تێگەهـ و سیستەمێ دیموکراسیەتێ عراق بەرەڤ قوناغەک نەدیار و بەرەلای بریە ب تایبەت پشتی هاتنا ئەمریکا ل سالا (٢٠٠٣)و شکەستنا وێ دعراقێدا و دانا خوسارەتیەکا مەزنا انسانی، سیاسی، ئابوری، مادی و معنوی و دیسان شکەستنا هەڤپەیمانیێن وێ و کارەکتەرێن وێ یێن سیاسی ل عراق و هەرێما کوردستانێ، هەر ژدەستپێک کار ل سەرپیلانەکا نوی کریە و د نها ژیدا چەندەهان جاران هوشداری ددەتە دەستهەلاتا کوردی ژی ل هەرێما کوردستانێ و گەفێن ژناڤچونێ دهێنەکرن، پشتی دەستێوەردانا ئەقلیمی دعراقێدا زێدەبوی تایبەت پشتی ڤەکێشانا هێزێن ئەمریکی ل سالا (٢٠١١) و وی دەمی هەیمەنا ئیرانی زێدەبوو و ل ئالیەکی تورکیا و بونە جهێ مەترسیێ ل سەر بەرژەوەندیێن ئەمریکی و ئەوروپی ل ناوجێ ژ بەرڤان پێشهاتێن سیاسی ژی، رەوشا نهایا عراقێ بگشتی دماوەکێ کێمدا بڤی ئاوای دێ گورانکاریێن مەزن بخوڤە گریت و هەرێما کوردستانێ ژی ل گور ڤێ غرورا سیاسی و لێک تێنەگەهشتنا ئالیێن کوردی و سیاسەتا شاشا دەستهەلاتێ و تایبەت ئیتفاقاتێن وێ یێن سیاسی دگەل وەلاتێن ئەقلیمی، دێ ئەمریکا و هەڤپەیمانێن وێ نەچارکەت و د پلاناواندا هەیە، گورانکاریێن ریشەی ل هەرێمێ دروست بکەن و چەندەها جاران هوشداریێن توند ددەنە دەستهەلاتا کوردی و ب دیتنامن ئەڤ داوی هوشداریا نوێنەرا تایبەتا سکرتاریا گشتی یا نەتەوێن ئێکگرتی ل عراقێ خانم (جێنین پلاسخارت)ە، ئاراستەکری کو ئاماژێ ددەت قەوارێ هەرێمێ بڤی ئاوای بەر ب مەترسیێ یە و ئەگەر ئەڤ سیاسەت بەردەوام بیت ئێدی ئەوێن نها خو دبینن دەستهەلات و غرورا سیاسی گرتین و تنێ چاڤ ل بەرژەوەندیێن خویە نا مینن دەستهەلات.