بەلێ بۆ هزرا (د. پاییز ئومەری) و كارئینانا پیتێن لاتینی
4 مانگ پێش ئێستا
سەعید
شەریف
بەری چەند
رۆژان ل ئێكەتیا نڤیسەرێن كورد تایێ دهوكێ، سمینارەك ژلایێ چوار بسپوران ل سەر
زمانێ دایكێ هاتە پێشكپشكرن كو ئێك ژوان د. پاییز ئومەر بوو، بابەتێ دكتوری بەرەڤانی
بوو ل گوهۆرینا پیتێن عەرەبی ب پیتێن لاتینی، هەر چەندە بوچوونێن جودا ل سەر بابەتی
هەبوون ژلایێ نڤیسەران لێ نە دجهێ خودا بوون، لێ نە ئەڤرۆ دڤیا مە هزر دڤێ بریارێ
دا كربا لێ پشتی سەرهەلدانا باشورێ كوردستانێ دڤیا ئەڤ پێنگاڤا پێدڤی هاتبا بجه
ئینان، ژبەركو ئێكبوونا پیتان لناڤبەرا پارچێن كوردستانێ لادانا سنۆرێن دەستكردێن
دوژمنانە و گەر زیان تێدا هەبان كەمال ئەتاتوركی پشتی نەمانا دەولەتا ئوسمانی ئەڤ
گوهۆرینە بكار نەدئینا، نە بتنێ تیپان كارتێكرناخۆ ل سەر زمانێ دایكێ هەیە، لێ
دیسان تابلویێن دوكان و ماركێتان و لافیتە و دوبلاجكرنا درامان ئەوێن ب شاشی دی هێنە
نڤیسین و ڤەگێران ژبەركو قوتابخانا دوویێ ژبۆ زاروكان لێكدانەڤا پەیڤێن وان تابلویانە
ئەوێن رۆژانە ل سەر رێیا هاتن و چووناخۆ دبینن.
دیسا زمانێ وان درامایێن دوبلاجكرینە، سەبارەت
مامۆستا ستێرك رونی بەحسی چالاكی و بزاڤێن كوردێن دەڤەرا قەفقاسیا كرن لێ بەحسی
وان هاندەرێن لپشت ڤان دەستكەفتان نەكر كو ئێك ژوان بریارەكا ئێكەتیا سوڤێتی بوو ل
سالا (1923) دەركر كو هەر مللەتەكێ ل سەر ئاخا ئێكەتیا سوڤێتی بژیت دڤیا ب زمانێ
دایكێ بخوینیت دیسا هنێرا وان ماموستایێن ئەرمەنی ئەوێن واننە ب زمانێ كوردی
ددانە كوردان ژبەركو كوردان مامۆستا نەبوون و ئەو پەرتوكێن دەستپێكێ بۆ كوردان
هاتین چاپكرن ب پتێن ئەرمەنی بوون، سەبارەت مامۆستا بەرەڤانی بابەتێ وی هەژی
برواناما دكتورایێ بوو، هەمی دوژمنان دهەمی قوناغان پێكولا لاوازكرن و نەهێلانا
زمانێ كوردی یاكری ژبەركو زمان سنۆران دەستنیشاندكە و ئەو سنۆرێن زمانی یێن مامۆستای
دیاركرین ئەون سنۆرێن كەڤنێن كوردستانا مەزن، دیسا مامۆستای ئاماژە ب كوردێن شەبەكێن
دەورو بەرێن شارێ مویسل دا كو ل رۆژهەلاتێ كوردستانێ هاتینە ئەو ژی راستە ژبەركو
گەلەك ژێدەران بەحسكریە كو ئەو شەبەك مایەڤێن لەشكرێ میدینە ئەوێن ل سالا (612) ب
ز پایتەختا ئاشوریا روخاندی، ئەڤە جارا ئێكێ بوو راستەو خۆ من د. پاییز ئومەر دیتی
لێ ئەز زڤراندمە بەری نزیكی چل سالان كو ئێك ژشانوگەریێن وی ل گوڤارا كاروان ژمارە
هەڤدەدا بەلاڤ ببوو بناڤێ بزاڤ كو ل سالا (1984) مە وەكە تیپا شانۆیا ئاكرێ نمایشكر
بۆ سێ رۆژان كو ئێكەم بەرهەمێ تیپا شانۆیێ بوو پشتی دامەزراندنێ.