خودان باوەرنامێن ماستەر و دکتورایێ ل کوردستانێ

لاوین سلێڤانەی
هەر کەسێ زانکو ب دوماهیک ئینا و چ دەلیڤێن کاری نەبن، دێ دەست ب خواندنا ماستەرێ کەت، ئەو کەسێن د سەردەمێ خوە دا نەشیاین خوندانا خوە تەمامکەن دێ ل زانکویێن ئەهلی خواندنا خوە تەمام کەن و دێ بەردەوامی دەن ب خواندنا خوە، هەتا دگەهن پلەیا ماستەرێ و دکتورایێ و پتریا وان ژ دەرڤەی وەلاتی دئینن. کارەسات نە لڤێرێ یە چونکی هەر کەسەکێ دڤێت ئەڤ کەسە دناڤ مللەتی وی دا هەبن، چونکی دێ بهێز و شیانیت خوە وەلاتی ئاڤاکەت، کارەسات ئەوە، ئەڤ خودان باوەرناما ماندیبوونێ ب ناما خوە یا ماستەرێ و دکتورایێ ڤە نابینن گەلەک ژ وان ئەگەر تو بیژێ ناما خوە بومە ب زمانێ ئنگلیزی بخوینە ئان ب عەرەبی نزانت سەر بخوینت.
 هەروەسا لدویڤ باوەرناما خوە یا بکالوریوسێ ژی زانیارین دروست نینن، هەروەسا تو بێژی وان ناڤەرۆکا ناما خوە بومە ب کوردی شلوڤەبکە نزانن کا ناڤەروکا ناما وان چیە، دێ ئێن کوردستانێ نازناڤێ خوە دانت سەر مێزا خوە ئان فەیسبوکێ، ئەڤا رویدەت کارەساتە و پێدڤییە وەزارەتا خواندنا بلند دگەل وەلاتێن جیران و زانکویا ب گشتی ژی لسەر ڤێ پرسی ب راوەستن، دا کو مافێ وان کەسێن دی ژی نەئێت خوارن ئەوێن هەلگرێن باوەرنامێن ماستەرێ و دکتورایێ.
 زانست بۆ مە چرایە، بەلێ ئەگەر ئەڤ کەسە زانستی سەر مە بەلاڤەبکن، دێ یا مای ژی ب سەر سەرێ مەدا هەرفت، تشتی سەیر گەلەک کەس خودان پلە و پوستن پشتی چەند سالێن خزمەتێ دی چت باوەرناما بکالوریوسێ و پلەین ماستەرێ و دکتورایێ ئینت، ئەڤ چەندە ژی کارەساتە کو کەسەک جهەکێ گرنگ برێڤەبت و بێ پلە و پوست بت زانینەک درست نەبت هەبوونا وی دبت ئەگەرێ کارتێکرنەک نەرێنی بو وەلاتی هەمیێ.