گازیەک بۆ پەروەردێ

لاوین سلێڤانەی
بیرا من دئیت دەمێ من ل قوتابخانێ د خواند، ماموستایێ من دگوت هەتا نیڤ سالێ دڤێت هوین روژناما بخوینن مەرەما وی دێ خواندنا مە وەسا بهێزبت، وی دەمی ئەز ل پولا ٢ بیم، ماموستایێن وی سەردەمی خوە گەلەک ماندی دکرن رولەکێ کاریگەر هەبوو سەر جڤاکی ب گشتی و قوتابیان ب تایبەتی. بیرا من دئێت ئەگەر من ئەرکێ مالا هەبا دا خوە ماندی کم دا گەلەک دویڤچوونێ کەم هەتا من تشتەک بۆ ماموستای چێکربا ب هێچ رەنگەگێ من پشت گوھ نە دھاڤێت، ژ وی دەمی هەتا ئەڤرو ژی دەمێ ئەز ماموستایێن خوە ئان هەر ماموستایەکێ دبینم، ئەز رێزەکا مەزن لێدگرم، چونکی براستی بۆ من بخوە نموونەنە.
 بەلێ نوکە ب لێبورین ڤە مە جیلەک یێ هەی لێکدانێ و دابەشێ ژیک جودا ناکت، هەروەسا خواندن و نڤیسینا وان نەدرستە، تشتەک نورمالە بچت قوتابخانێ بمینت د پولا خوەدا بۆ چەند سالان، ئەرکێ مالێ هەر بۆ نە خەمە و رێزگرتنا وان بۆ ماموستای نە ل ئاستی پێدڤییە، هەروەسا پێدڤیە وەزارەتا پەروەردێ دویڤچوونا ڤان تشتا بکەت، هندەک قوتابی دگەهن پولا ٩ و هێش نزانن ب درستی رستەکێ بخوینن و بنڤیسن، گەلەک ژ وان نەشێن دارشتنەکێ بنڤیسن و هەر چ ژ بابەتێت دی نزانن، پێدڤیە لێپرسین هەبت، ئەری چاوا قوتابیەک ئاستێ وی هوسا لاواز دگەهت ڤان قوناغا و چاوا دئێت دەربازکرنێ، زانست نە وەک هەر تشتەکێ یە پێدڤیە عاتیفە دناڤ زانستی دا نەبت، چونکی ئەڤە پاشەروژا مللەتەکێ نە، هەروەسا پێدڤیە پەروەردە ب هەمی هێزا خوە پشتەڤانیا ماموستای بکت و هەیبەتا جاران بۆ بزڤرینت ڤە، سنورەک بۆ قوتابیان بهێت دانانێ و ئیدی کەس دەنگێ خوە سەر ماموستای بلند نەکت،  هەر ماموستایەک وانا ل پسپورێ خوە یێ درست بدت، دا کو چارەسەریا ڤان کیشەیا بهیت کرنێ، هەروەسا پێدڤیە رەوشا قوتابخانا خوش کەن ل هاڤینی و زفستانێ نە ل بەر گەرمی و سەرمایێ بن و ژینگەهەک وەسا بۆ وان بهێت دابینکرنێ  دگەل خواندنا قوتابیا بگەنجت، پێدڤیە ل قوتابخانا ئاڤاهی بهێن نوژەنکرنێ و جهێ دەست ئاڤا بهێت پاقژکرنێ و ئاڤەک پاقژ ل قوتابخانا هەبت قوتابی ڤەخون و پەنجەرین شکەستی بهێن چارەسەرکرنێ، هەروەسا ئاریشا ژ هەمیا مەزنتر ژمارەیەک زور یا قوتابیا د ئێک پولێ دا بهێت چارەسەرکرنێ، ئەساسێ ئاڤاکرنا وەلاتان زانست و زانینە ئیهمال کرنا وان ل کوردستانێ ژ هەمی کەرتێن دی پترە .