بەراوردیەک دناڤبەرا (هزرا ئایدیولوژی و هزرا فەلسەفی)دا

هەڤال بەرواری
هزرا ئایدویولوژی: هزرەکا گرێدایە ب کومەکا مێژووی ڤە و کومەلگەهک ژ کومەلگەها و تەخەکا مرۆڤان. هەر وەسا د ئایدولوژیێ دا بوچونێت خەیالی هەنە، بەلکو چ راستی بۆ نەبن و زێدەرەوی تێدا هەبیت و دهێتە شاراندن، دا کوما خو هەر بهێز بێخیت. لەوما هزرا ئایدولوژی هزرەکە ئێک لاگریە (فكر منحاز). هزرەکا خودان بەرژەوندیە (فكر مصلحي)، هزرەکا خەباتکەر و خودان بزاڤە، نەڤێت رێژا وێ و سەنگاوێ لاواز و کێم بیت، لەوما راستی نە ژ مەرجێن وێ یێن سەرەکی نە.
 هزرا ئایدولوژی هەولدەت تنێ کار بکەن و سەرکەتنا بدەست خوڤەبینیت و بەرگریێ ژ کوما خوبکەت و پلانا دانیت بو پاشەروژا خو. لەوما راستی نە ژ ئارمانجێن وێ یێن سەرەکینە، بەلکو گەلەک جاران دڤێت ئەو هزرا خورافیا چ بنەما بونە هەر بمینیت دا  هزا وێ یا ئایدولوژی هەر بمینیت.

هزرا فەلسەفی :
 یا گرێدایە  ب تاکە مروڤیڤە ب هەمی لایاڤە، وەک هەبوناوی و و دیماهیکا پاشەروژا وی دهەمی دەم و جهاندا و نە هزرەکا گرێدایە ب مێژووێڤە  و بازنا هزرا وی تنێ مروڤە بگشتی و راستی ل دەف وی ئاریشەکا سەرەکییە دڤێت بگەهیتێ،  بەلکو پروژێ وی تنێ  لێ گەریانە بو راستیێ و میکانیزم و رێکێن وی عەقلە کو ب عەقلی بگەهیتە راستیێ.
لێ هزرا ئایدولوژی هەمی میکانیزما بکاردئینیت  بۆ گەهاندنا هزرا خوە، وەک عەقلی و هەست  وژدان وعاتیفە و مێژوو و بیرئینان و خەیال و هەر چالاکیەکا هزری  بکار دئینیت،لێ چالاکیا عەقلیا رژد و لوژیک سەر دیارکرنا راستیێ نە ژ بەرژەوندیێن وێ یێن سەرەکینە.